Дар оғози вохӯрӣ ҷонибҳо тавофуқҳои бадастомадаи роҳбарони Олии ҳарду кишварро мавриди пайгирӣ қарор дода, масъалаҳои густариши ҳамкориҳои иқтисодию тиҷоратӣ ва сармоягузорӣ, аз ҷумла татбиқи лоиҳаҳо дар самтҳои энергетика, бахусус маблағгузорӣ ба сохтмони НБО «Роғун»-ро баррасӣ намуданд.
Инчунин тарафҳо ба тақвияти фаъолияти Шӯрои соҳибкории Тоҷикистону Қатар ҳамчун механизми рушди робитаҳои мустақим миёни бахшҳои хусусии ду кишвар таваҷҷуҳ зоҳир карданд.
Дар идома масъалаи афзоиши содироти маҳсулоти кишоварзии Тоҷикистон, аз ҷумла содироти меваҳои тару тоза ва хушк ба бозори Қатар ва роҳандозии хатсайрҳои мустақими ҳавоӣ байни ду кишвар, инчунин баргузории Форуми соҳибкории Тоҷикистону Қатар баррасӣ шуданд.
Дар анҷоми вохурӣ ҷонибҳо омодагии худро ҷиҳати таҳкими минбаъдаи ҳамкориҳои тиҷоратию иқтисодӣ иброз намуданд.