Дар доираи Рӯзҳои фарҳанги Ҷумҳурии Тоҷикистон дар Ҷумҳурии Қирғизистон дар шаҳри Бишкек маросими тантанавии ифтитоҳи Рӯзҳои кинои Ҷумҳурии Тоҷикистон дар Ҷумҳурии Қирғизистон баргузор гардид. Дар чорабинӣ Вазири фарҳанги Ҷумҳурии Тоҷикистон…
Дар доираи Рӯзҳои фарҳанги Ҷумҳурии Тоҷикистон дар Ҷумҳурии Қирғизистон дар шаҳри Бишкек маросими тантанавии ифтитоҳи Рӯзҳои кинои Ҷумҳурии Тоҷикистон дар Ҷумҳурии Қирғизистон баргузор гардид.
Дар чорабинӣ Вазири фарҳанги Ҷумҳурии Тоҷикистон Сатториён Матлубахон Амонзода , Вазири фарҳанг, иттилоот ва сиёсати ҷавонони Ҷумҳурии Қирғизистон, намояндагони мақомоти давлатӣ, ҳайати дипломатӣ, аҳли фарҳангу санъат, намояндагони ҷомеаи синамо, зиёиёни эҷодиву илмии ду кишвар, инчунин тамошобинон ва дӯстдорони кино иштирок намуданд.
Зимни маросим вазирони фарҳанги ду кишвар таъкид карданд, ки баргузории Рӯзҳои кинои тоҷик ҷузъи муҳими ҳамкориҳои фарҳангиву гуманитарии Тоҷикистону Қирғизистон буда, ба таҳкими минбаъдаи муносибатҳои дӯстӣ, ҳамсоягии нек ва ҳамдигарфаҳмӣ миёни ду халқи бародар мусоидат менамояд.
Қайд гардид, ки синамо дар рушди муколамаи байнифарҳангӣ, ҳифзи арзишҳои маънавию ахлоқӣ ва муаррифии мероси ғании таърихию фарҳангии халқҳои Осиёи Марказӣ ҷойгоҳи махсус дошта, ташаббусҳои муштараки фарҳангӣ ба густариши робитаҳои гуманитарии миёни ду давлат хизмат мекунанд.
Маркази матбуоти Вазорати фарҳанги Ҷумҳурии Тоҷикистон