Доир намудани курси сайери омӯзишӣ барои масъулони дахлдори мақомоти давлатӣ ва ташкилотҳои ВМКБ
Саридораи ҳифзи сирри давлатии назди Ҳукумати Ҷумҳурии Тоҷикистон дар доираи Нақшаи чорабиниҳои амалисозии Барномаи давлатии таҳкими ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон барои солҳои 2022 – 2026, ки бо қарори Ҳукумати Ҷумҳурии Тоҷикистон аз 29 июли соли 2022, №377 тасдиқ гардидааст, санаи 14 августи соли 2025 бо иштироки масъулони дахлдори мақомоти давлатӣ ва ташкилотҳои ВМКБ курси сайёри омузишӣ дар мавзӯи “Баррасии масъалаҳои хифзи сирри давлатӣ ва ҳифзи техникии иттилоот” дар шаҳри Хоруғи ВМКБ баргузор гардид.
Дар оғози чорабинӣ муовини якуми сардори Саридораи ҳифзи сирри давлатии назди Ҳукумати Ҷумҳурии Тоҷикистон Шарифзода Фируз Бобоназар ва муовини раиси вилояти Мухтори Кӯҳистони Бадахшон Фурқати Ҳукумат иштирок ва суханронӣ намуданд.
Муовини якуми сардори Саридораи ҳифзи сирри давлатӣ зикр намуданд, ки бо таваҷҷуҳи хоса ба ин самти муҳими давлатдорӣ ва дастгирии давлату Ҳукумати кишвар, бахусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи ҳифзи сирри давлатӣ ва ҳифзи техникии иттилоот дар кишвар рушд ёфта, дастгирӣ ёфтани ташаббусҳои Саридора, махсусан қабул гардидани “Барномаи давлатии таҳкими ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон барои солҳои 2022-2026”, қабули қарори Ҳукумати ҶТ “Дар бораи тартиби додани ҷубронпулӣ ба шаҳрвандоне, ки корашон ба сирри давлатӣ алоқаманд аст” ва ба ин васила ба андозаи 15 фоизи иловапулӣ ба маоши кормандони дахлдор ҷиҳати таъмини шароити мусоид баҳри дуруст ба роҳ мондани фаъолият, таъмини амнияти иттилоотӣ ва ҳифзи техникӣ заминаи мусоид фароҳам оварда истодааст.
Чорабинии мазкур бо мақсади таъмини иҷрои Барномаи соҳавии давлатӣ ва инчунин баланд бардоштани сифатнокии фаъолияти хизматӣ, рушд додани донишҳои соҳавӣ дар мақомоти давлатӣ ва ташкилотҳои ВМКБ ба роҳ монда шуда, доир карда шуд.