17 октябри соли 2024 дар шаҳри Бохтар кори Форуми байналмилалии сармоягузорӣ-содиротии "Хатлон Инвест" оғоз гардида, нахуст дар доираи Форуми мазкур Намоишгоҳи “Бохтар Фуд-2024" баргузор карда шуд.
Дар Намоишгоҳи мазкур намояндаи Ҳукумати Ҷумҳурии Тоҷикистон, намояндагони вазорату идораҳо, намояндагони кишварҳои хориҷӣ, роҳбарону намояндагони корпуси дипломатии муқими Тоҷикистон, шарикони рушд, соҳибкорону сармоягузорон ва дигар меҳмонони воломақом иштирок намуда, аз молу маҳсулоти истеҳсоли ватанӣ ва иқтидорҳои истеҳсолии мавҷуда ва имкониятҳои содиротии ҷумҳурӣ, махсусан вилояти Хатлон аз наздик шинос шуданд.
Бояд қайд намуд, ки Намоишгоҳи мазкур барои дар оянда боз ҳам васеъ гардидани бозорҳои фурӯши молу маҳсулоти истеҳсоли Тоҷикистон дар хориҷи кишвар мусоидат хоҳад намуд.