7 январи соли 2026 дар Агентии содироти назди Ҳукумати Ҷумҳурии Тоҷикистон маҷлиси ҷамъбасти натиҷаҳои фаъолият дар соли 2025 баргузор гардида, дар он фаъолияти Агентӣ ва нишондиҳандаҳои соҳа мавриди муҳокима қарор дода шуд.
Зимнан, дар маҷлис нишондиҳандаҳои гардиши савдои хориҷӣ, ҳаҷми содирот дар соли 2025, тадбирҳои анҷомдода дар самти муаррифии молу маҳсулоти ватанӣ, ба роҳ мондани содироти маҳсулоти рақобатпазири ватанӣ, дарёфти бозорҳои нави фурӯши маҳсулот ва шарикони истеҳсоливу тиҷоратӣ, инчунин ҳифзи манфиатҳои содироткунандагони ватанӣ дар хориҷи кишвар, дар амал татбиқ намудани нақшаҳо дар соли 2026 ва иҷрои Барномаи давлатии рушди содироти Ҷумҳурии Тоҷикистон барои солҳои 2026-2030 мавриди баррасӣ қарор гирифт.