8 декабри соли 2025 мулоқоти директори Агентии содироти назди Ҳукумати Ҷумҳурии Тоҷикистон Сироҷиддинзода Баҳриддин бо Намояндаи тиҷоратии Федератсияи Россия дар Ҷумҳурии Тоҷикистон Рибас Александр Леонидович баргузор гардид.
Мулоқотро директори Агентии содирот оғоз намуда, қайд намуданд, ки ҳадаф аз баргузории вохӯрии имрӯза иҷрои дастуру супоришҳои сарони ду давлат, ки дар доираи сафари давлатии Президенти Федератсияи Росия ба Ҷумҳурии Тоҷикистон вобаста ба содироти ҳарчи бештари ангур ва дигар маҳсулоти кишоварзӣ аз Тоҷикистон ба Федератсияи Россия дастур доданд, мебошад.
Ҳамчунин, қайд гардид, ки Федератсияи Росия яке аз ҳамшарикони стратегии Ҷумҳурии Тоҷикистон маҳсуб ёфта, тақвият бахшидани робитаҳо барои фароҳам овардани шароити мусоид ва афзун намудани ҳаҷми содироти маҳсулоти хушсифати кишоварзии Тоҷикистон аз ҷумла ангур ба Росия ва дар ин замина тақвияти муносибатҳо байни ду кишвар мувофиқи мақсад мебошад.
Дар охир ҷонибҳо барои густариши минбаъдаи ҳамкориҳои мутақобилан судманд изҳори омодагии ҳамаҷониба намуданд.