18 ноябри 2026Тақвияти ҳамкориҳо дар соҳаи ҳифзи муҳити зист миёни Тоҷикистону Озарбойҷон
Дар ҳошияи COP31 мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Вазири экологияи Ҷумҳурии Озарбойҷон Рашад Исмоилов баргузор гардид. Ҷонибҳо масъалаҳои густариши ҳамкориҳои дуҷониба дар самти ҳифзи муҳити зист, мубориза бо тағйирёбии иқлим, ҳифзи гуногунии биологӣ, барқарорсозии экосистемаҳо ва ҳифзи пиряху захираҳои обиро баррасӣ намуданд. Ҳамзамон, масъалаҳои таҳияи Барномаи муштараки ҳамкории экологӣ барои солҳои 2027–2028, рақамикунонии соҳаи муҳити зист, мубодилаи таҷриба ва татбиқи лоиҳаҳои муштарак мавриди таваҷҷуҳ қарор гирифтанд. Дар фарҷом ҷонибҳо омодагии худро ҷиҳати таҳкими шарикии экологӣ ва пешбурди ташаббусҳои муштарак таъкид намуданд.