3 октябри соли 2024 дар доираи сафари кории худ ба Ҷумҳурии Арманистон прокурори Генералии Ҷумҳурии Тоҷикистон Раҳмон Юсуф Аҳмадзод бо прокурори Генералии Ҷумҳурии Арманистон Хонум Вардапетян Анна Кареновна мулоқот кард. Дар вохӯрӣ масъалаҳои фаъолгардонии талошҳо дар мубориза бар зидди экстремизм, терроризм, ҷиноятҳои киберӣ, гардиши ғайриқонунии маводи мухаддир, ҷинояткории муташаккили фаромиллӣ, инчунин масъалаҳои амниятӣ баррасӣ шуданд. Дар масъалаҳои истирдоди ҷинояткорон, расонидани кӯмаки ҳуқуқӣ дар парвандаҳои ҷиноятӣ ва дигар кӯмаки ҳуқуқии мутақобила ба мувофиқа расиданд. Ҷонибҳо аҳамияти густариши ҳамкории зичи сохторҳои дахлдори ҳифзи ҳуқуқи давлатро дар ҳалли ин масъалаҳо таъкид карданд. Сафари кории прокурори Генералии Ҷумҳурии Тоҷикистон идома дорад.