Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 ва Қатъномаҳои зиёди Созмони Милали Муттаҳид дар самти пешгирии экстремизм ва терроризм - баргузор намудани конференсияҳо, мизҳои мудаввар, семинарҳо (тренингҳо) ва чорабиниҳои дигари иттилоотию фаҳмондадиҳӣ бо ҷалби олимону коршиносон, зиёиёни эҷодкор, мақомоти давлатии масъул ба пешгирии экстремизм, ташкилотҳои байналмилалӣ ва ҷомеаи шаҳрвандиро яке аз самтҳои афзалиятноки худ эътироф кардааст.
Бо ин мақсад ва баҳри иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз Паёми Президенти мамлакат ба Маҷлиси Олии Ҷумҳурии Тоҷикистон бар меоянд, 24 апрели соли 2025 дар толори маҷлисгоҳи Китобхонаи миллии Ҷумҳурии Тоҷикистон бо ташаббуси Прокуратураи генералии Ҷумҳурии Тоҷикистон дар ҳамкорӣ бо Барномаи рушди Созмони Милали Муттаҳид Конференсияи ҷумҳуриявӣ оиди “Барномаҳои давлатии Ҷумҳурии Тоҷикистон дар пешгирии экстремизм ва терроризм ва татбиқи Қатъномаҳои Созмони Милали Муттаҳид” баргузор гардид.
Дар кори Конфронс роҳбарият ва кормандони вазорату идораҳо, мақомоти иҷроияи ҳокимияти давлатии шаҳру ноҳияҳо, муассисаҳои таълимӣ, созмонҳои байналмилалӣ, ташкилотҳои ҷамъиятӣ, олимону коршиносон, ходимони дин ва намояндагони васоити ахбори оммаи кишвар бо шумораи умумии беш аз 380 нафар ба таври ҳузурӣ ва шумораи зиёди шарикони рушд тариқи маҷозӣ иштирок ва баромадҳо намуданд.
Чорабинии мазкур бо мақсади баланд бардоштани огоҳмандӣ дар бораи хатару таҳдидҳои навин вобаста ба экстремизму терроризм баргузор гардид.