Санаи 13 январи соли ҷорӣ дар бинои Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон ҷаласаи корӣ вобаста ба масъалаҳои мубрами пешгирии терроризм ва экстремизм баргузор гардид. Дар чорабинӣ роҳбарият ва кормандони Агентӣ иштирок намуда, атрофи роҳҳои таҳкими амният ва боло бурдани масъулияти шаҳрвандӣ мубодилаи афкор анҷом доданд.
Зимни суханронии худ директори Агентӣ муҳтарам Зуҳурзода С.Х. иброз доштанд, ки терроризм ва экстремизм аз ҷумлаи таҳдидҳои ҷиддии ҷаҳони муосир ба шумор рафта, метавонанд ба сулҳу субот ва пешрафти ҷомеа таъсири манфӣ расонанд. Аз ин рӯ, ҳар як корманди мақомоти давлатӣ бояд бо ҳисси баланди масъулият, садоқат ба давлат ва эҳтиром ба арзишҳои миллӣ фаъолияти худро ба роҳ монад.
Ҳамчунин зикр шуд, ки танҳо тавассути ҳамкории зичи сохторҳои давлатӣ, масъулиятшиносии кормандон ва бетараф набудан нисбат ба масъалаҳои амниятӣ метавон пеши роҳи ҳар гуна зуҳуроти номатлубро гирифт.
Дар анҷоми ҷаласа иштирокчиён омодагии худро ҷиҳати саҳмгузорӣ дар ҳифзи манфиатҳои миллӣ, таҳкими суботу оромӣ ва пешгирии терроризм ва экстремизм изҳор намуда, таъкид карданд, ки ин самт бояд ҳамеша дар меҳвари таваҷҷуҳи фаъолияти хизматӣ қарор дошта бошад.