30 июли соли 2026 Раиси ноҳияи Шаҳринав, муҳтарам Вализода Абдуқодир Исуф, дар доираи омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон аз ҷараёни корҳои сохтмонӣ ва ободонӣ дар ҳудуди ноҳия боздид ба амал оварданд. Зимни…
30 июли соли 2026 Раиси ноҳияи Шаҳринав, муҳтарам Вализода Абдуқодир Исуф, дар доираи омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон аз ҷараёни корҳои сохтмонӣ ва ободонӣ дар ҳудуди ноҳия боздид ба амал оварданд.
Зимни боздид Раиси ноҳия аз рафти сохтмони марказҳои савдо, муассисаҳои таълимӣ ва томактабӣ, сехҳои дӯзандагӣ, чойхонаҳо ва дигар иншооти иҷтимоиву хизматрасонӣ дидан намуда, бо сифати корҳои иҷрошаванда шинос гардиданд.
Зимни боздид ба масъулин ва роҳбарони иншоот ҷиҳати таъмини сифати баланди корҳои сохтмонӣ, риояи муҳлатҳои муайяншуда ва ҳарчи зудтар мавриди истифода қарор додани иншоотҳо дастуру супоришҳои мушаххас дода шуд.
Қайд гардид, ки бунёду навсозии чунин иншоотҳо дар доираи сиёсати созандаи Пешвои миллат ва ба истиқболи ҷашни бузурги 35-солагии Истиқлоли давлатии Ҷумҳурии Тоҷикистон амалӣ гардида, барои беҳтар намудани сатҳи зиндагии сокинон ва рушди инфрасохтори ноҳия мусоидат хоҳад кард.