Имрӯз вохӯрии вакилони Маҷлиси намояндагони Маҷлиси Олии Ҷумҳурии Тоҷикистон Ғоибназарзода Саид, Муродуллозода Дилноза ва Холбойзода Неъматулло бо фаъолони Ҷамоатҳои деҳоти Чорбоғ, Қайқубод ва Заркамари ноҳияи Қубодиён баргузор гардид.
Вакилони МНМО Ҷумҳурии Тоҷикистон нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олии кишвар, ки рӯзи 16 декабри соли 2025 ироа гардида буд, вобаста ба самтҳои асосии сиёсати дохилӣ ва хориҷии кишвар, ҳадафҳои стратегии мамлакат, зери таваҷҷуҳи Президенти кишвар қарор доштани соҳаҳои маориф, тандурустӣ, фарҳанг, кишоварзӣ инчунин оид ба баланд бардоштани мақоми занон ва ҷавонон дар ҷомеа, тарбияи дурусти насли наврас, ҷалби ҷавонон ба касбу ҳунар шарҳу тавзеҳ намуданд.
Таъкид гардид, ки бо пешниҳоди Президенти Ҷумҳурии Тоҷикистон - Пешвои миллат муҳтарам Эмомалӣ Раҳмон соли 2026 соли вусъат додани корҳои ободониву созандагӣ эълон гардидааст ва ҳар як фарди ҷомеа барои пешрафти давлати худ ва ободии Ватани азизамон корҳои некеро анҷом дода, созандаву бунёдкор ва соҳибифарҳанг будани миллати тоҷикро нишон диҳад.
Дар фарҷом саволу дархост ва пешниҳодҳои ҳозирин шунида шуда аз ҷониби Вакилон ҷавобҳои саҳеҳ дода шуд.