Имрӯз вакилони Маҷлиси намояндагони Маҷлиси Олии Ҷумҳурии Тоҷикистон Маҷидзода Сарвиноз - муовини раиси Кумита оид ба масъалаҳои иҷтимоӣ, оила ва ҳифзи саломатӣ, Мусоҷонзода Ҷамила – узви Кумита оид ба илм, маориф, фарҳанг ва сиёсати ҷавонон ва Солизода Наима-узви Кумита оид ба қонунгузорӣ ва ҳуқуқӣ инсон доир ба шарҳу тавзеҳи нуктаҳои Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» дар филиали Донишгоҳи миллии Тадқиқоти технологии шаҳри Москва (МИСИС) дар шаҳри Душанбе бо донишҷӯёну устодон вохӯрӣ гузарониданд.
Вакилон доир ба Паёми Пешвои миллат муҳтарам Эмомалӣ Раҳмон, аз ҷумла рушди технологияҳои рақамӣ, зеҳни сунъӣ, саноатикунонии бо суръати соҳаҳо бо технологияи муосир ва зарурати он дар пешравии соҳаҳои мухталифи ҳоҷагии халқ, иқдоми навбатии Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар арсаи байналмилалӣ ва қабули он аз ҷониби СММ дар хусуси эълон кардани соли 2027 ҳамчун «Соли байналмилалии маърифати ҳуқуқӣ» суханронӣ намуданд.
Дар фарҷоми мулоқот вакилон ба саволҳои донишҷӯён посухҳои мушаххас доданд.