23 декабри соли 2025 дар қисми низомии 87740, воқеъ дар ноҳияи Абдураҳмони Ҷомӣ вохӯрии вакили Маҷлиси намояндагони Маҷлиси Олии Ҷумҳурии Тоҷикистон Аюбӣ Бибиосия бо афсарон, сарбозон, фаъолон, аҳли илм, ходимони дин ва хонандагони муассисаҳои таълимӣ баргузор гардид.
Аюбӣ Бибиосия зимни суханронӣ мазмуну муҳтавои Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро шаҳрҳу тавзеҳ дода, онро ҳамчун роҳнамои кору фаъолияти оянда арзёбӣ намуд.
Ҳамчунин, ба масъалаҳои таҳкими худшиносии миллӣ, зарурати ҳифзи истиқлолу амният, хизмати ҳарбӣ ҳамчун мактаби ҷасорат ва садоқат ба Ватан, баланд бардоштани сатҳи маърифати сиёсӣ ва ҳуқуқии ҷавонон таваҷҷуҳи махсус зоҳир гардид.
Баъд аз анҷоми мулоқот хонандагони муассисаҳои таҳсилоти миёнаи умумии ноҳия аз шароити хизмати сарбозону афсарон ва вазъи зисту буду боши онҳо дар қисми низомӣ боздид намуданд.
Ҳамчунин, интихобкунандагон ба вакил оид ба мушкилоту проблемаҳои ҷойдошта дар маҳал дархосту пешниҳодҳо намуда, ҷавобҳои дақиқ гирифтанд.