Рӯзҳои 4 ва 5 декабри соли равон вакили Маҷлиси намояндагони Маҷлиси Олии Ҷумҳурии Тоҷикистон, аъзои Кумита оид ба масъалаҳои иҷтимоӣ, оила ва ҳифзи саломатӣ Давлатзода Қиёмиддин дар ҷаласаи Шурои коршиносон оид ба масъалаҳои тандурустӣ дар назди Ассамблеяи байнипарламментии давлатҳои иштирокчии ИДМ, ки дар шаҳри Санкт Петербурги Федератсияи Россия доир шуд, иштирок намуд. Дар ҷаласа масъалаҳои ҳамкориҳои бюрои минтақавии аврупоии Ташкилоти умумиҷаҳонии тандурустӣ бо Кумитаи иҷроияи ИДМ ва Ассамблеяи байнипарламентии ИДМ дар соли 2026, нақшаи чорабиниҳо оид ба омодагӣ ва баргузории «Соли ҳифзи саломатӣ дар ИДМ» дар соли 2026, нақшаи эҷоди қонунҳои намунавии ИДМ давоми солҳои 2026-2028, дар бораи омодагӣ ба ифтитоҳи Донишкадаи байналмилалии биоэтика дар шаҳри Самарқанди Ҷумҳурии Ӯзбекистон, дар бораи фаъолияти гурӯҳи корӣ оид ба рушди принсипҳои биоэтика ва тибби далелҳои Шурои коршиносон оид ба тандурустӣ дар назди Ассамблеяи байнипарламентии ИДМ ва дар бораи шарикии давлат ва бахши хусусӣ дар рушди асосҳои миллии далелҳо дар соҳаи тандурустии давлатҳои иштирокчии ИДМ мавриди баррасӣ қарор гирифта, қарорҳои дахлдор қабул шуданд.
Зикр гардид, ки маҳз баъди таъсиси Шурои коршиносон дар сатҳи Ассамблеяи байнипарламентии ИДМ 15 қонуни намунавӣ ва тавсияҳо қабул шудаанд, ки барои рушди соҳа дар сатҳи ИДМ нақши муҳим доранд. Ҳамчунин, дар сатҳи зарурӣ ташкил ва баргузор шудани ҳамаи чорабиниҳои соли раисии Тоҷикистон соли 2025 дар ИДМ баҳои баланд дода шуд.
Тибқи нақша конференсияи илмии амалии «Иттифоқи байнисоҳавӣ: Пешгирии маъюбӣ ва кӯмаки барқарорсозии маҷмуии калонсолон ва кӯдакон» доир гардид.