Муовини раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба сохтори давлатӣ ва худидоракунии маҳаллӣ Шарифҷон Ҳакимзода, узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Фирӯз Ҳақназарзода ва узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба энергетика, саноат, сохтмон ва коммуникатсия Нуралӣ Ниёзов даъвати Думаи давлатии Маҷлиси Федералии Федератсияи Россияро пазируфта, барои иштирок дар Конфронси байналмилалӣ таҳти унвони «Нақши ҳамбастагии фраксияҳои ҳизбҳои сиёсӣ ва блокҳо дар ҳамкории байнипарламентии кишварҳои Иттиҳоди Давлатҳои Мустақил», ба шаҳри Москваи Федератсияи Россия сафар намуданд.
Конфоронси мазкур рӯзҳои 1-3 декабри соли равон баргузор мегардад. Ҳайати Парламенти Тоҷикистон доир ба «Нақши ҳамбастагии фраксияҳои ҳизбҳои сиёсӣ ва блокҳо дар ҳамкории байнипарламентии кишварҳои ИДМ» инчунин, оид ба фаъолияти фраксияҳои ҳизбҳои сиёсӣ дар Маҷлиси намояндагон ва мақсаду мароми онҳо мубодилаи афкор хоҳанд намуд.