27 ноябр дар шаҳри Панҷакент бахшида ба 80 - солагии вакили Шурои Олӣ, сармуҳаррири нашрияи «Садои мардум» ва аввалин қурбонии ҷанги шаҳрвандӣ Муродилло Шерализода конференсияи илмӣ – амалӣ дар мавзуи «Муродилло Шерализода – ходими намоёни давлатӣ ва ҷамъиятӣ» баргузор гардид, ки дар он Вакили Маҷлиси намояндагон- Раиси Комиссия оид ба одоби вакилон Шодизода Парвиз, гурӯҳи олимон, рӯзноманигорон ва омӯзгорону аҳли фарҳанги шаҳр иштирок доштанд.
Парвиз Шодизода изҳор намуд, ки саҳми Муродилло Шерализода дар ташвиқу тарғиби сиёсати давлатӣ, сохти конститутсинӣ, тарбияи ҷавонон дар руҳияи ватандӯстӣ ва ваҳдати миллӣ хеле зиёд аст. Ӯ дар он солҳои мудҳиш вазифаи пурмасъули сармуҳарририи нашрияи «Садои мардум»-ро ба уҳда дошт ва сад дареғ, ки аз дасти душманони миллат ба шаҳодат расид.
Муродилло Шерализода дар тарбияи як зумра рӯзноманигорон низ саҳми босазо гузоштааст.
Вакили Маҷлиси намояндагон Шодизода Парвиз ба Хона – музеи Муродилло Шерализода аз номи Маҷлиси намояндагони Маҷлиси Олии Ҷумҳурии Тоҷикистон туҳфа тақдим намуд.