Вакили Маҷлиси намояндагони Маҷлиси Олии Ҷумҳурии Тоҷикистон Саид Ғоибназарзода дар Форуми байналмилалии вакилони парламентҳои кишварҳои Дӯст, ки бо ташаббуси Ҷамъияти мардумии Дӯстӣ бо кишварҳои хориҷии Чин аз 10 то 17 сентябри соли 2025 идома меёбад, иштирок дорад.
Дар Форум табодули таҷрибаи Вакилони парламентҳои кишварҳои Дӯст дар самтҳои ҳифзи ҳуқуқи инсон, рушди инфрасохторӣ маҳаллӣ, амнияти экологӣ ва ҳифзи ёдгориҳои таърихию фарҳангӣ мавриди омӯзиш, баҳрабардорӣ ва мубодилаи афкор қарор мегирад.
Саид Ғоибназарзода дар қисмати пленарӣ ва бахшҳои канории Форуми мазкур иштирок ва суханронӣ намуда, аз дастовардҳои ҷониби Тоҷикистон дар самти ҳифзи ҳуқуқи инсон ва шаҳрванд, ташаббусҳои ҷаҳонии Президенти Ҷумҳурии Тоҷикистон-Пешвои миллат муҳтарам Эмомалӣ Раҳмон дар самти обу иқлим, рушди иқтисодию иҷтимоии кишвар дар доираи Ҳадафҳои рушди устувор ва ҳифзи ёдгориҳои таърихию фарҳангӣ ибрози андеша хоҳад намуд.
Ёдовар мешавем, ки дар Форуми мазкур 59 нафар вакилони парламентҳо аз 45 давлати ҷаҳон иштирок менамоянд.