Вакилони Маҷлиси намояндагон Собирзода Ғафурҷон - узви Кумита оид ба иқтисод ва молия, Зиёӣ Баҳриддин ва Бобоиён Мадина - аъзои Кумита оид ба тартиботи ҳуқуқӣ, мудофиа ва амният, инчунин сардори раёсати робитаҳои хориҷӣ, байнипарламентӣ, ташрифотӣ ва ташкили кори Дастгоҳи Маҷлиси намояндагони Маҷлиси Олии Ҷумҳурии Тоҷикистон Маҳмадшозода Фарҳод дар вохӯрии нахустини Шурои парламентии Осиё ва Африқо, ки рӯзҳои 8-9 сентябри соли 2025 дар шаҳри Бейрут баргузор гардид, иштирок намуданд.
Дар вохӯрӣ Набиҳ Берри - Раиси парламенти Лубнон иштирок ва суханронӣ намуд. Қайд гардид, ки таъсиси Шуро метавонад барои пешрафти фаъолияти якҷояи давлатҳои аъзо, аз байн бурдани ихитилофу нофаҳмиҳо ва ҳалли буҳрони Фаластин мусоидат намояд.
Бояд зикр намуд, ки дар ин вохӯрӣ ҳайатҳои зиёда аз 30 давлати дунё иштирок намуданд. Роҷеъ ба масъалаҳои дар Шуро баррасишуда қарорҳои дахлдор қабул гардида, мубодилаи афкор сурат гирифт.