Вакили Маҷлиси намояндагони Маҷлиси Олии Ҷумҳурии Тоҷикистон, аъзои Кумита оид ба сохтори давлатӣ ва худидоракунии маҳаллӣ Ғ. Азиззода дар Форуми байналмилалии парламентӣ, ки дар шаҳри Авазаи Ҷумҳурии Туркменистон доир мегардад, иштирок ва суханронӣ намуд. Зимни суханронӣ Ғ. Азиззода иброз намуд, ки суҳбату мулоқотҳои имрӯза ба мо имкон медиҳанд, ки дар баробари проблемаҳои дигар, масъалаҳои умумии кишварҳое, ки роҳи баромад ба баҳрро надоранд, бо ҳам ҳаллу фасл намоем.
Ҷумҳурии Тоҷикистон чун кишваре, ки роҳи баромад ба баҳрро надорад, ба масъалаҳои дастрасии устувор ба бозорҳои байналмилалӣ, рушди инфрасохтори транзитӣ, трансфарматсияҳои рақамӣ ва таҳкими ҳамкориҳои минтақавӣ аҳаммияти аввалиндараҷа медиҳад. Президенти Ҷумҳурии Тоҷикистон - Пешвои миллат муҳтарам Эмомалӣ Раҳмон тайи чанд соли охир проблема ва мушкилотҳои кишварҳоеро, ки роҳи баромад ба баҳрро надоранд, дар арсаи ҷаҳонӣ масъалагузорӣ мекунанд. Дар зимн, метавон даҳсолаи байналмилалии “Об барои рушди устувор, солҳои 2018-2028”, ки бо пешниҳоди Тоҷикистон аз ҷониби Маҷмааи умумии СММ қабул шуда, ба идоракунии устувору самараноки захираҳои об дар соҳаҳои энергетика, кишоварзӣ, саноат ва ғайра бахшида шудааст, хотиррасон намуд.
Илова бар ин, Тоҷикистон дар ташаккули долонҳои нави нақлиётӣ ва энергетикӣ дар минтақа, аз ҷумла лоиҳаи CASA-1000 оид ба пайваст кардани Осиёи Марказӣ ба Осиёи Ҷанубӣ ва Ҷанубу Шарқӣ фаъолона иштирок менамояд. Ин тадбирҳо метавонанд иқтидори содиротӣ ва логистикии кишварҳои ба баҳр роҳи баромад надоштаро ба таври назаррас васеъ намоянд, - гуфт дар интиҳо Ғ. Азизода.
Нақши парламентҳо дар ҳалли проблемаҳои ҷойдошта муҳим арзёбӣ гардид.