Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Сафири Ҷумҳурии Белорус Денисенко Виктор мулоқот намуд. Зимни вохӯрӣ қайд гардид, ки мо ҳамкориҳои Тоҷикистону Белорусро, ки таи ду даҳсолаи охир ба шарикии…
Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Сафири Ҷумҳурии Белорус Денисенко Виктор мулоқот намуд. Зимни вохӯрӣ қайд гардид, ки мо ҳамкориҳои Тоҷикистону Белорусро, ки таи ду даҳсолаи охир ба шарикии стратегӣ табдил ёфтааст, қадр мекунем.
Зикр шуд, ки асоси муносибатҳои Тоҷикистону Белорусро беш аз 120 шартномаҳои байналмилалии ҳамкориҳои дуҷониба ташкил медиҳад, ки дар миёни онҳо шартномаи шарикии стратегӣ миёни кишварҳоямон аз 27 июни соли 2019 нақш ва аҳаммияти хоса доранд.
Таъкид шуд, ки пояҳои муносибатҳои кишварҳоямон бо ирода ва ташаббусҳои созандаи Роҳбарияти олии кишварҳоямон, Президенти Ҷумҳурии Тоҷикистон - Пешвои миллат муҳтарам Эмомалӣ Раҳмон ва Президенти Ҷумҳурии Белорус Александр Лукашенко рушду густариш ёфта истодаанд.
Ҳамкориҳои байни Тоҷикистону Белорус дар соҳаҳои гуногуни сиёсӣ, иқтисодӣ, тиҷоратӣ, амният, фарҳангиву гуманитарӣ чашмрас мебошанд. Мо сипосгузорем, ки Белорусия ҳамасола барои ҷавонони тоҷик дар донишгоҳу донишкадаҳо бурсия (квота)-ҳо ҷудо менамояд ва ҳоло зиёда аз 500 нафар ҷавонони тоҷик дар ин кишвар таҳсили илм доранд.
Робитаҳои байниминтақавии кишварҳоямон бо вилояту шаҳрҳои Минск, Витебск, Гомел, Могилёв рушд дошта, дар ноҳияи Ҳисор корхонаи “Агротехсервис”-и Белорусия фаъолият дорад.
Тоҷикистон аз ташаббусҳои созандаи кишвари Белорус дар сатҳи байналмилалӣ пайваста ҷонидорӣ менамояд. Қайд гардид, ки Тоҷикистон барои нигоҳ доштани хотира ва ҳақиқати таърих дар бораи Ҷанги Бузурги Ватанӣ, ки имсол 80 солагии онро бо ҳам ҷашн гирифтем ва дар ин чорабинии муҳим дар шаҳри Волгоград таҳти унвони “Мероси бузург - ояндаи муштарак” роҳбарияти Маҷлиси намояндагон иштирок намуд, ҷаҳду талош хоҳад кард.
Рушду таҳкими ҳамкориҳои байнипарламентӣ ва густариши фаъолияти гурӯҳҳои дӯстӣ муҳим арзёбӣ гардид.