Имрӯз ҳайати парламентии Маҷлиси намояндагон таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода ҷиҳати иштирок дар кори ҷаласаи сайёри Шурои Ассамблеяи Парламентии Созмони Аҳдномаи Амнияти Дастаҷамъӣ, ки дар шаҳри Бишкеки Ҷумҳурии Қирғизистон баргузор мегардад, парвоз намуданд.
Дар ин сафар Раиси Маҷлиси намояндагонро Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид тартиботи ҳуқуқӣ, мудофиа ва амният Н. Маҳмудзода ва муовини раиси Кумитаи мазкур Б. Саидвализода ҳамроҳӣ намуданд.
Кори ҷаласаи сайёри Шурои Ассамблеяи Парламентии Созмони Аҳдномаи Амнияти Дастаҷамъӣ дар шаҳри Бишкек бо гузоштани гулчанбар дар назди «Оташи абадӣ» муҷассамаи Ғалаба ва гирифтани аксҳои муштараки Сарони ҳайатҳои парламентии кишварҳои узви Созмони Аҳдномаи Амнияти Дастаҷамъӣ оғоз мегардад.
Ёдовар мешавем, ки дар нишасти мазкур Сарони парламентҳои Федератсияи Русия, Қазоқистон, Тоҷикистон ва Ҷумҳурии Беларус ширкат мекунанд.
Дар назар аст, ки дар мулоқот роҳҳои таҳкими равобит ва густариши ҳамкориҳои байнипарламентӣ баррасӣ шавад.