Имрӯз таҳти раёсати муовини Раиси Маҷлиси намояндагони Маҷлиси Олии Ҷумҳурии Тоҷикистон М. Муинӣ мизи мудаввар дар мавзуи “Нақши занони Маҷлиси намояндагони Маҷлиси Олии Ҷумҳурии Тоҷикистон дар ҳаёти сиёсӣ ва ҷамъиятии кишвар” баргузор гардид. М.…
Имрӯз таҳти раёсати муовини Раиси Маҷлиси намояндагони Маҷлиси Олии Ҷумҳурии Тоҷикистон М. Муинӣ мизи мудаввар дар мавзуи “Нақши занони Маҷлиси намояндагони Маҷлиси Олии Ҷумҳурии Тоҷикистон дар ҳаёти сиёсӣ ва ҷамъиятии кишвар” баргузор гардид.
М. Муинӣ иброз намуд, ки Давлату Ҳукумати Ҷумҳурии Тоҷикистон таҳти Сарварии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади ҳифзи ҳуқуқҳои конститутсионии занон, фароҳам овардани шароити муносиби кориву зиндагӣ барои занон, таҳкими мақому манзалати онҳо дар ҷомеа ва ҳалли масъалаҳои муҳимтарини ҳаёти занон як силсила асноди меъёрии ҳуқуқиро қабул ва мавриди иҷро қарор додааст.
Имрӯз занони тоҷик дар ҳамаи шохаҳои ҳокимияти давлатӣ, мақомоти олии қонунгузор, ҳокимияти судӣ ва иҷроия, иттиҳодияҳои ҷамъиятӣ фаъолият намуда, дар пешрафти соҳаҳои гуногуни ҳаёти ҷомеа ҳисаи худро мегузоранд.
Гуфта шуд, ки ҳоло дар Маҷлиси намояндагон аз шумораи вакилон 18 нафарро занон ташкил медиҳанд, ки нисбати даъвати гузашта 4 нафар зиёд мебошанд.
Бо мақсади таҳкими нақши занон дар ҳаёти сиёсиву иҷтимоии кишвар ва иштироки фаъолонаи вакилзанон дар ҳамоишу чорабиниҳо вобаста ба масъалаҳои гендерӣ, солимии занону бонувон, таҳияву такмили қонунгузорӣ гурӯҳи Иттиҳоди занони Маҷлиси намояндагони Маҷлиси Олии Ҷумҳурии Тоҷикистон таъсис ёфтааст.
Дар назди иштирокчиёни мизи мудаввар Каримзода Мунира Бобохон – узви Маҷлиси миллии Маҷлиси Олии Ҷумҳурии Тоҷикистон, Раиси Кумитаи Маҷлиси миллии Маҷлиси Олии Ҷумҳурии Тоҷикистон оид ба масъалаҳои иҷтимои Ҳифзи сиҳати илм, маориф, фарҳанг ва сиёсати ҷавонону занон, Набизода Мадина Раҳмат – муовини якуми Раиси Кумитаи кор бо занон ва оилаи назди Ҳукумати Ҷумҳурии Тоҷикистон, Татяна Тсуркан - иҷрокунандаи вазифаи Роҳбари Дафтари барномаҳои САҲА дар Душанбе ва Парвати Рамасвами - Намояндаи доимии Барномаҳои рушди Созмони Миллали Муттаҳид дар Душанбе баромад ва дигар вакилони Маҷлиси намояндагони Маҷлиси Олии Ҷумҳурии Тоҷикистон баромад намуда, бо мубодилаи афкору таҷриба баргузории чорабиниро дар эҷоди муҳити мусоид барои суръат бахшидан ба татбиқи Ҳадафҳои рушди устувор оид ба беҳтар намудани баробарии гендерӣ, тавонмандсозии занон ва таҳкими ҳамкорӣ бо шарикони рушд ва ҳамкор ҳамчун пул арзёбӣ намуданд.