Бо мақсади пешгирӣ намудани талафоти олами ҳайвонот ва парандагон аз сардиҳои зимистон, кормандони Муассисаи давлатии хоҷагии ҷангали ба номи Л. Каримови шаҳри Роғун дар минтақаҳо ҷангалпарварии Сичароғ ва Ёнахш корҳои биотехникӣ гузарониданд. Дар ҷараёни ин чорабиниҳо ҷиҳати таъмин намудани ғизои ҳайвонот ва парандагон, дар мавзеъҳои махсуси ҳайвонгузар ва ҷойҳои сукунати парандагон тақрибан 500 кг хошок истифода шуд.
