20 октябри соли 2025 мулоқоти директори Агентии содироти назди Ҳукумати Ҷумҳурии Тоҷикистон Сироҷиддинзода Баҳриддин бо ҳайати меҳмонони Россия таҳти роҳбарии муовини Вазири кишоварзии Федератсияи Россия Маркович Максим Валеревич баргузор гардид.
Дар мулоқот намояндагони вазорату идораҳои дахлдор, роҳбарияти КВД “Тоҷагропромэкспорт” ва филиалҳои корхона дар вилоятҳои Хатлону Суғд иштирок намуданд.
Мулоқотро директори Агентии содирот оғоз намуда, қайд намуд, ки Федератсияи Росия яке аз ҳамшарикони стратегии Ҷумҳурии Тоҷикистон маҳсуб ёфта, тақвият бахшидани робитаҳо барои фароҳам овардани шароити мусоид ва афзун намудани ҳаҷми содироти маҳсулоти хушсифати кишоварзии Тоҷикистон ба Росиява дар ин замина тақвияти муносибатҳо байни ду кишвар мувофиқи мақсад мебошад.
Дар ҷараёни вохӯрӣ масъалаҳои имкониятҳои содироти маҳсулоти кишоварзӣ, аз ҷумла содироти ангур ба Федератсияи Россия, амалӣ гардидани механизми долони сабз ҷиҳати бемоманият содирот намудани меваю сабзавот ва таъсиси марказҳои логистикӣ мавриди муҳокима қарор гирифт.
Ҳамзамон, дар мулоқоти мазкур яке аз ширкаҳои калонтарини ҷониби Россия – ширкати АО “Гранд Трейд” ва Гуруҳи ширкатҳои Х5 иштирок намуда, ҷиҳати тақвият додани ҳамкорӣ дар самти имкониятҳои содироти молу маҳсулоти кишоварзии Тоҷикистон, бахусус ангур мавқеи худро иброз намуданд.
