Санаи 17 сентябри соли 2026 дар шаҳри Душанбе таҳти роҳбарии Вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ ва бо иштироки роҳбарон ва намояндагони вазорату идораҳои масъули фаъолияти иқтисод ва савдои хориҷии кишварҳои аъзои Созмони Ҳамкории Шанхай ҷаласаи 25-уми вазирони масъули фаъолияти иқтисод ва савдои хориҷии Созмони Ҳамкории Шанхай баргузор шуд.
Дар ҷаласа сараввал мувофиқаҳои бадастомадаи сарони кишварҳои аъзои Созмони Ҳамкории Шанхай пайгирӣ гардида, масъалаҳои рушди ҳамкориҳои иқтисодӣ, афзоиши савдои мутақобила, таҳкими амнияти энергетикӣ, рушди инфрасохтори нақлиётиву логистикӣ, ҷалби сармоягузорӣ, таъсиси корхонаҳои муштарак ва рушди истеҳсолоти дорои арзиши иловашуда мавриди баррасии ҷонибҳо қарор дода шуданд.
Дар анҷоми чорабинӣ Протокол ва Баёнияи муштараки ҷаласаи 25-уми вазирони масъули фаъолияти иқтисод ва савдои хориҷии Созмони Ҳамкории Шанхай ба имзо расонида шуд.
