Санаи 27 августи соли 2026 дар шаҳри Гулистон дар ҳошияи Форуми байналмилалии сармоягузорӣ таҳти унвони «Рақамикунонии минтақаҳои озоди иқтисодӣ дар шароити кишварҳои Авруосиё» мулоқоти Вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ бо роҳбари навтаъини ЮНИСЕФ дар Ҷумҳурии Тоҷикистон, хонум Габриелле Акимова баргузор гардид.
Зимни мулоқот Вазири рушди иқтисод ва савдо хонум Габриелле Акимоваро ба муносибати таъин гардиданаш ба вазифаи нав табрик гуфта, омодагии ҷониби Тоҷикистонро барои таҳкими минбаъдаи ҳамкории судманд бо ЮНИСЕФ таъкид намуд.
Ҷонибҳо масъалаҳои ҳамоҳангсозии Барномаи нави кишварии ЮНИСЕФ ва Чаҳорчӯбаи ҳамкории СММ ва Ҳукумати Ҷумҳурии Тоҷикистон оид ба рушди устувор барои солҳои 2027-2030 бо афзалиятҳои стратегии кишварро мавриди баррасӣ қарор доданд.
Дар мулоқот ҷонибҳо ба рушди сармояи инсонӣ, баланд бардоштани сифати таҳсилот, рушди малакаҳои муосир ва рақамӣ, коҳиш додани нобаробарии рақамӣ, фарогирии иҷтимоӣ ва фароҳам овардани имкониятҳои баробар барои кӯдакон ва ҷавонон таваҷҷуҳи махсус зоҳир намуда, омодагии худро барои идомаи ҳамкории созанда ва натиҷабахш ҷиҳати таъмини рушди устувори иҷтимоию иқтисодии Тоҷикистон изҳор карданд
