Рӯзи 14 ноябри соли 2025 дар Вазорати рушди иқтисод ва савдо ба муносибати Рӯзи Президенти Ҷумҳурии Тоҷикистон ва 33-юмин солгарди Иҷлосияи 16-уми Шӯрои Олии Ҷумҳурии Тоҷикистон ҳамоиши тантанавӣ таҳти роҳбарии Муовини якуми Вазири рушди иқтисод ва савдо Солеҳзода А. А. бо иштироки роҳбарияти вазорат, Муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ Раҳматуллозода Мавзуна ва ҳайати кормандони вазорат баргузор гардид.
Ҳамоишро Солеҳзода А. А. ифтитоҳ карда, ҳозиринро аз номи роҳбарияти вазорат ба ифтихори ҷашнҳои муқаддаси таърихӣ табрику муборакбод намуд.
Қайд гардид, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз оғози Иҷлосияи 16-уми Шӯрои Олӣ то ба имрӯз баҳри таъмини сулҳу субот, рушди устувори иқтисодӣ, баланд бардоштани сатҳу сифати зиндагии аҳолии кишвар ва мардуми Тоҷикистон ҳамчун давлати ташббускор дар самтҳои гуногуни рушди ҷомеаи ҷаҳонӣ азму талошҳо намуда, ба дастовардҳои беназир ноил гардидаанд.
Дар идомаи чорабинӣ аз ҷониби Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ як қатор аъзоёни ташкилоти ибтидоии ҳизбии “Иқтисодчӣ” қадрдонӣ гардида, ба аъзоёни нав шаҳодатномаҳои ҳизбӣ тақдим карда шуд.
Ба кормандон таъкид карда шуд, ки ҷиҳати саривақт иҷро намудани дастуру супоришҳои Президенти Ҷумҳурии Тоҷикистон Пешвои миллат муҳтарам Эмомалӣ Раҳмон талош варзида, баҳри рушди иҷтимоию иқтисодии кишварамон тамоми неруи созандаи худро равона намоянд.
