15-17 апрели соли равон даъвати Ассамблеяи байнипарламентии давлатҳои иштирокдори Иттиҳоди Давлатҳои Мустақилро пазируфта, дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба фарҳанг, иттилоот, саёҳат ва варзиши назди Ассамблеяи байнипарламентии давлатҳои иштирокдори Иттиҳоди Давлатҳои Мустақил, ки дар шаҳри Санкт-Петербурги Федератсияи Россия баргузор гардид, Фарзона Хоҷазода-вакили Маҷлиси намояндагони Маҷлиси Олии Ҷумҳурии Тоҷикистон, узви Кумита оид ба корҳои байналмилалӣ, иттиҳодияҳои ҷамъиятӣ ва иттилоот иштирок ва суханронӣ намуд.
Дар ҷаласа натиҷаҳои фаъолияти Комиссия дар соли сипаришуда мавриди таҳлилу баррасӣ қарор гирифта, Тавсияҳо оид ба ташаккули чаҳорчӯби ҳуқуқии ҳамоҳангшуда дар самти рушди фарҳанг, иттилоот, саёҳат, варзиш, инчунин дастгирии истеъдодҳои ҷавон барои давлатҳои иштирокдори ИДМ муҳокима гардид.
Иштирокчиён, пешниҳодҳоро оид ба таҳияи Лоиҳаи Нақшаи дарозмуддати қонунгузории намунавии ИДМ барои солҳои 2026–2028 баррасӣ намуданд. Зикр гардид, ки ташаккули чунин санадҳои намунавӣ ба ҳамоҳангсозии фазои ҳуқуқӣ, таҳкими ҳамгироии илмӣ-таҳқиқотӣ ва рушди устувори кишварҳои узв мусоидат менамояд.
Таъкид шуд, ки эътирофи дастовардҳои муштарак дар соҳаи фарҳанг, иттилоот, саёҳат ва варзиш омили муҳимми таҳкими ҳамкориҳои байнидавлатӣ ва ҳавасмандгардонии ташаббусҳои муштарак мебошад.
