Рӯзҳои 4 ва 5 декабри соли равон вакили Маҷлиси намояндагони Маҷлиси Олии Ҷумҳурии Тоҷикистон, узви Кумита оид ба қонунгузорӣ ва ҳуқуқи инсон Маҳмудзода Аҳмад дар конфронси байналмилалӣ таҳти унвони «Ҷанги Бузурги Ватанӣ ва хотираи дастаҷамъонаи халқҳои Иттиҳод: ба муносибати 80- солагии Ғалаба», ки дар шаҳри Санкт Петербурги Федератсияи Россия доир шуд, иштирок ва дар қисми пленарии он суханронӣ намуд. Мавсуф аз корнамоиҳои мардуми Тоҷикистон дар сафи пеши муҳорибаҳо ва ҳам дар ақибгоҳ, кӯчонидани беморхона ва корхонаҳои истеҳсолӣ ба Тоҷикистон, роҳандозии чораҳои аввалиндараҷа ҷиҳати таъмини хати фронт дар ақибгоҳ, гиромидошти хотираи шаҳидон, қадршиносии иштирокчиёни Ҷанги Бузурги Ватанӣ, нигоҳубин ва таъмиру азнавсозии иншоотҳои хотиравӣ, аз ҷумла азнавсозии Боғи Ғалаба дар шаҳри Душанбе дар ҳошияи чорабиниҳо бахшида ба 80 - солагии Ғалаба дар Ҷанги Бузурги Ватанӣ махсус қайд намуд.
Тибқи нақшаи чорабиниҳо боздид аз иншоотҳои замони ҶБВ дар муҳосирамондаи шаҳри Ленинград сурат гирифт.
