Дар толори маҷлисгоҳи Сарраёсати ҳифзи муҳити зист дар вилояти Суғд бо мақсади баланд бардоштани савияи дониши кормандони шуъбаҳои сарраёсат ва зерсохторҳо дар шаҳру ноҳияҳо давоми як рӯз ду семинар баргузор гардид.
Дар кори семинар ба иштирокдорон дар бораи «Асосҳои ҳуқуқӣ ва дурнамои Кумитаи ҳифзи муҳити зист оид ба системаи бақайдгирии пеститсидҳо», «Рӯйхати маводи агрокимиёвии иҷозатдодашуда ва манъшуда, пешниҳодҳо барои фарқияти минбаъдаи таснифоти пеститсидҳо ва маводи агрокимиёвӣ» ва «Роҳнамоӣ ва системаи бақайдгирии пеститсидҳо» аз ҷониби коршиносони техникӣ ва ҳуқуқӣ маълумот пешниҳод гашт.
Дар қисмати ҷамъбастӣ ба саволҳои мутахассисони бахшҳои ҳифзи муҳити зист дар шаҳру ноҳияҳо ва ҳам намояндагони асотсиатсияҳою ширкатҳои бо воридоти маводи агрокимиёвӣ машғул ҷавобҳо дода шуданд.
