Маъракаи ниҳолшинонӣ бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур дар ноҳияи Шаҳристон.
Дар доираи татбиқи сиёсати давлатии экологӣ, иҷрои Стратегияи миллии мутобиқшавӣ ба тағйирёбии иқлим ва Барномаи давлатии кабудизоркунӣ бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур, сардори сарраёсати ҳифзи муҳити зисти вилоят Холзода Суҳроб, муовини якуми раиси ноҳияи Шаҳристон Мавлонқулзода Раҳмон, кормандони ташкилоту идораҳо, МД Хоҷагии ҷангал ва ризокорон дар шоҳроҳи Хуҷанд - Чаноқ маъракаи ниҳолшинонӣ баргузор гардида 500 бех ниҳоли сановбар шинонида шуд.
Зимни сафари корӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур аз ниҳолхонаи бахши ҳифзи муҳити зисти ноҳия дидан намуда, таъкид намуданд, ки нигоҳубин ва нашъунамои босифати онҳо баҳри таъмини рушди иқти-содиёти «сабз» ва коҳиши газҳои гулхонаӣ мусодат менамояд. Тибқи маълумоти бахши ҳифзи муҳити зист ниҳолхона дар масоҳати 4 га бунёд гардида, 2000 бех коҷи кабут ва 25 ҳазор сафедор дар ҳолати нашъунамо қарор доранд.
