Ҳамкорони гиромӣ,
Дӯстдорону ҳомиёни табиати биҳиштосои Тоҷикистон,
Фарорасии Соли нави мелодии 2026-ро ба Шумо, кормандони мақомоти ҳифзи муҳити зист, шарикони рушд, тамоми нафароне, ки аз ҳифзу нигоҳдошти муҳити зист бетараф нестанд, табрик мегӯям.
Соли сипаришудаи 2025 барои Кумитаи ҳифзи муҳити зист ва умуман барои ҳамаи соҳаҳои иқтисодию иҷтимоии кишвар соли пур аз заҳмат ва дастовардҳои назаррас буд. Таҳти раҳнамоиву ҳидоятҳои падаронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишвари мо марҳилаи муҳими таҳкими сиёсати давлатӣ, татбиқи ҳадафҳои стратегии давлату Ҳукумати Ҷумҳурии Тоҷикистон, аз ҷумла дар самти рушди устувор ва ҳифзи табиат, гузаронида, ба натиҷаҳои дилхоҳ ноил гардид.
Барои заҳмати софдилона, масъулиятшиносӣ ва садоқати ватандорӣ ба кормандони мақомоти ҳифзи муҳити зист изҳори сипос менамоям.
Соли нави 2026 барои мо марҳалаи нави имкониятҳо ва вазифаҳои боз ҳам муҳим пешниҳод менамояд. Чунки дар пеш моро Ҷашни бузурги 35-солагии Истиқлоли давлатӣ интизор аст ва мо ният дорем, ки фаъолияти худро дар самти ҳифзи муҳити зист боз ҳам тақвият бахшида, бо истифода аз тамоми шароиту имкониятҳои беҳтарине, ки бароямон муҳайё шудааст, аз технологияҳои муосир корбарӣ намоем, ҳамкориҳоро густариш диҳем ва барои наслҳои оянда муҳити солим ва табиати зебои Тоҷикистонро ба мерос гузорем.
Бо орзуи сулҳу субот, тандурустӣ, саодатмандӣ, баракат ва комёбиҳои нав барои ҳар яки Шумо, ҳамкорони азиз, бори дигар фарорасии Соли нави мелодии 2026-ро самимона табрик мегӯям. Бигзор соли нав соли амалӣ гардидани ниятҳои нек, муваффақиятҳои касбӣ ва дастовардҳои нав ба нав дар роҳи ҳифзи муҳити зисти кишвар гардад.
