Мулоқоти муовини вазири кишоварзии Ҷумҳурии Тоҷикистон бо намояндагони Донишгоҳи кишоварзии Анхойи Ҷумҳурии Мардумии Чин
Санаи 14 ноябри соли ҷорӣ мулоқоти муовини Вазири кишоварзии Ҷумҳурии Тоҷикистон Аҳмадзода Баҳромҷон бо Президенти Донишгоҳи кишоварзии Анхойи Ҷумҳурии Мардумии Чин Тсао Хайтсюн баргузор гардид. Дар рафти вохӯрӣ ҷонибҳо масъалаҳои тақвияти ҳамкориҳо…
Санаи 14 ноябри соли ҷорӣ мулоқоти муовини Вазири кишоварзии Ҷумҳурии Тоҷикистон Аҳмадзода Баҳромҷон бо Президенти Донишгоҳи кишоварзии Анхойи Ҷумҳурии Мардумии Чин Тсао Хайтсюн баргузор гардид.
Дар рафти вохӯрӣ ҷонибҳо масъалаҳои тақвияти ҳамкориҳо дар рушди соҳаи кишоварзӣ, аз ҷумла самти илм ва татбиқи дастовардҳои илмиро мавриди баррасӣ намуданд.
Ҳамзамон дар рафти вохӯрӣ вобаста сафарбар намудани мутахассисони ҷавонони дастгоҳи марказӣ ва зерташкилотҳои вазорат, олимон ва донишҷуёни Донишгоҳи аграрии Тоҷикистон ба номи Ш.Шоҳтемур ва Академияи илмҳои кишоварзии Тоҷикистон ба Донишгоҳи кишоварзии Анхойи Ҷумҳурии Мардумии Чин ҷиҳати тайёр намудани кадрҳо, таҷрибаомӯзӣ ва баланд бардоштани касбияти онҳо мувофиқи мақсад шумориданд.
Тарафҳо барои ташкили минтақаи намоишии корҳои илмӣ дар Донишгоҳи аграрии Тоҷикистон ба номи Ш.Шоҳтемур ва Донишгоҳи кишоварзии Анхойи Ҷумҳурии Мардумии Чин, инчунин таъсиси маркази идора ва истифодабарии агродронҳо дар Донишгоҳи аграрии Тоҷикистон ба номи Ш.Шоҳтемур ба мақсад мувофиқ ҳисобиданд.
Маркази матбуот ва иттилооти Вазорати кишоварзии Ҷумҳурии Тоҷикистон