Дараи Алмосӣ, гӯсфанди зоти ҳисорӣ ва ангури гулобии тоифӣҳамчун Низоми мероси кишоварзии дорои аҳамияти ҷаҳонӣ эътироф гардид
Ташаббус ва пешниҳодҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арсаи ҷаҳонӣ мақоми хоса дошта, боиси ифтихор кулли мардуми Тоҷикистон аст, ки мероси фарҳангии кишоварзии аҷдодии…
Ташаббус ва пешниҳодҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арсаи ҷаҳонӣ мақоми хоса дошта, боиси ифтихор кулли мардуми Тоҷикистон аст, ки мероси фарҳангии кишоварзии аҷдодии тоҷикон дар ҷаҳон муаррифӣ гардида, Дари Алмосӣ, гусфанди зоти ҳисорӣ ва ангури гулобии тоифӣ ба Низоми мероси кишоварзии дорои аҳамияти ҷаҳонӣ ҳамчун меросии миллии Ҷумҳурии Тоҷикистон қабул гардид.
Боиси зикр аст, ки дар доираи барномаи пешбари ФАО дар ҷаласаи Гурӯҳи илмӣ-машваратии НМКАҶ, ки 7-8 июли соли 2025 баргузор гардид, расман эътироф карда шуд. Дар натиҷаи иловаҳои нав, шабакаи ҷаҳонии мероси кишоварзии ФАО ҳоло 99 низомро дар 29 кишвари ҷаҳон фаро мегирад.
Бо шарофати таваҷҷӯҳи афзоянда дар саросари ҷаҳон, шумораи низомҳое, ки мақоми НМКАҶ -ро мушарраф гардидаанд, то лаҳзаи маросими супоридани сертификатҳо, ки санаи 31 октябр дар доираи ҷашни 80-солагии ФАО баргузор мегардад, аз 100 зиёд хоҳад шуд.
Мавриди зикр аст, ки санаи 28 майи соли равон Директори Созмони озуқаворӣ ва кишоварзӣ (ФАО) ба шаҳри Ҳисори Ҷумҳурии Тоҷикистон ташриф оварда буд.