Нимаи дуюми рӯзи 21 ноябри соли 2024 дар Агентии инноватсия ва технологияҳои рақамии назди Президенти Ҷумҳурии Тоҷикистон дар ҳамкорӣ бо Палатаи савдо ва саноати Ҷумҳурии Тоҷикистон, Ассотсиатсияи миллии соҳибкории хурд ва миёнаи Тоҷикистон ва шарикони рушд муколамаи корӣ бахшида ба рушди тичорати электронӣ дар Тоҷикистон ба воситаи инклюзияи рақамӣ баргузор гардид.
Дар муколамаи корӣ вакали Маҷлиси намояндагони Маҷлиси Олии Ҷумҳурии Тоҷикистон, роҳбарияти Агентии инноватсия ва технологияҳои рақамӣ, намояндагони вазорату идораҳои соҳавӣ, шарикони рушд, ҷомеаи шаҳрвандӣ, соҳибкорони иҷтимоӣ, бахши хусусӣ, маркетплейсҳо ва ВАО иштирок намуданд.
Ҷаласа бо мақсади баррасии вазъи кунунии тиҷорати электронӣ дар Тоҷикистон, фаъол гардондани кори Шуро оид ба савдои электронии назди Палатаи савдо ва саноат, таъсис додани платформаи муколама ҷиҳати баррасии имкониятҳо ва мушкилоти марбут ба рушди тиҷорати электронии фарогир, ки принсипҳои дастрасии рақамӣ ва соҳибкории иҷтимоиро дарбар мегирад, баргузор гардид.
Таҳияи қадамҳои мушаххас барои муайян кардани вазъи кунунии рушди тиҷорати электронӣ, ҳамгироии манфиатҳои гурӯҳҳои мақсаднок ба иқтисоди рақамии Тоҷикистон тавассути такмили меъёрҳои мавҷуд буда дар соҳаи тиҷорати электронӣ тибқи принсипи бунёдии Рӯзномаи рушди устувор то соли 2030 ва Ҳадафҳои рушди устувор (SDGs) «Бе таваҷҷуҳ намондани ҳеҷ кас» ҳадафи асосии муколамаи корӣ буд.
Иштирокчиёни муколамаи корӣ ба хулосае омаданд, ки барои ноил шудан ба ин ҳадафҳо ҷорӣ намудани технологияҳои нав, рушди инфрасохтори рақамӣ ва дастрасии ҳама қишрҳои аҳолӣ ба хизматрасониҳои онлайнӣ зарур аст.
Дар анҷоми муколамаи иштирокчиён омодагии худро ҷиҳати ба роҳ мондани ҳамкориҳои мутақобилан судманд ва татбиқи масъалаҳои қайдгардида изҳор намуданд.
