Санаи 8 октябри соли 2025 директори Агентии инноватсия ва технологияҳои рақамии назди Президенти Ҷумҳурии Тоҷикистон бо намояндаи доимии Барномаи Рушди СММ дар Ҷумҳурии Тоҷикистон мулоқот анҷом дод.
Ҷонибҳо роҳҳои ҳамкориро дар раванди саводнокии рақамӣ, рушди инноватсия ва нақши ҷавонон дар рақамикунонии кишвар баррасӣ намуданд.
Зимни мулоқот оид ба фаъолияти Барномаи Рушди СММ дар Ҷумҳурии Тоҷикистон, аз ҷумла ҷараёни татбиқи лоиҳаҳои инноватсионӣ ва дастгирии ташаббусҳои миллӣ дар бахши технологияҳои рақамӣ мубодилаи афкор намуданд.
Инчунин, ҷонибҳо доир ба густариши ҳамкориҳои судманд дар самти рушду татбиқи технологияҳои рақамӣ, тақвияти иқтидорҳои инноватсионӣ ва мусоидат ба татбиқи ҳадафҳои стратегии кишвар дар соҳаи рақамикунонӣ мубодилаи афкор намуданд.
Дар анҷом ҷонибҳо ҷиҳати пайгирии масъалаҳои баррасигардида ва роҳандозии тадбирҳои амалӣ ба мувофиқа расиданд.
