35 СОЛИ ИСТИҚЛОЛ РОҲИ ПУРШАРАФИ СОЗАНДАГӢ ВА ДАСТОВАРДҲО ТАБРИКОТИ ИДОНА 35-солагии Истиқлоли давлатии Ҷумҳурии Тоҷикистон барои ҳар як шаҳрванди кишвар ҷашни бузурги миллӣ ва рамзи соҳибдавлатӣ, ваҳдат, сулҳу субот ва пешрафти Тоҷикистони…
35 СОЛИ ИСТИҚЛОЛ РОҲИ ПУРШАРАФИ СОЗАНДАГӢ ВА ДАСТОВАРДҲО
ТАБРИКОТИ ИДОНА
35-солагии Истиқлоли давлатии Ҷумҳурии Тоҷикистон барои ҳар як шаҳрванди кишвар ҷашни бузурги миллӣ ва рамзи соҳибдавлатӣ, ваҳдат, сулҳу субот ва пешрафти Тоҷикистони соҳибистиқлол мебошад.
Дар тӯли 35 соли Истиқлоли давлатӣ Ҷумҳурии Тоҷикистон роҳи пуршарафи давлатсозӣ ва созандагиро тай намуда, дар соҳаҳои гуногуни ҳаёти ҷомеа, аз ҷумла илм, маориф, фарҳанг, иқтисод, кишоварзӣ, тандурустӣ ва технологияҳои муосир, ба дастовардҳои назаррас ноил гардид. Дар ин давраи таърихӣ барои рушди илми миллӣ, тарбияи кадрҳои илмӣ ва татбиқи натиҷаҳои таҳқиқоти илмӣ дар истеҳсолот имкониятҳои васеъ фароҳам оварда шуданд.
Яке аз самтҳои муҳими рушди илм дар даврони соҳибистиқлолӣ илми кишоварзӣ, байторӣ, амнияти биологӣ ва биотехнология ба ҳисоб меравад. Олимон ва муҳаққиқони тоҷик дар ҳифзи саломатии ҳайвонот, пешгирии бемориҳои сироятӣ, таъмини амнияти биологӣ, рушди истеҳсоли маводи байторӣ ва таҳкими амнияти озуқавории кишвар саҳми арзанда гузоштаанд.
Дар ин радиф, Институти масоили амнияти биологӣ ва биотехнологияи Академияи илмҳои кишоварзии Тоҷикистон низ дар солҳои соҳибистиқлолӣ фаъолияти илмӣ-таҳқиқотӣ ва истеҳсолии худро пайваста густариш дода, дар рушди соҳаҳои байторӣ, амнияти биологӣ ва биотехнология корҳои назаррасро ба анҷом расонидааст.
Боиси ифтихору сарфарозист, ки ба муносибати 35-солагии Истиқлоли давлатии Ҷумҳурии Тоҷикистон дастовардҳои илмӣ-таҳқиқотӣ ва истеҳсолии Институт дар китоби арзишманд таҳти унвони «Дастовардҳои илмию таҳқиқотӣ ва истеҳсолии Институт дар солҳои 1991–2026» ҷамъбаст гардидаанд.
Ин китоб бозгӯи роҳи пуршарафи олимону кормандони Институт дар солҳои соҳибистиқлолӣ буда, саҳми арзандаи онҳоро дар рушди илми байторӣ, амнияти биологӣ, биотехнология, ҳифзи саломатии ҳайвонот, пешгирии бемориҳои сироятӣ ва таъмини амнияти озуқавории кишвар инъикос менамояд.
Ин дастоварди муҳим на танҳо натиҷаи фаъолияти як муассисаи илмӣ, балки самараи меҳнати содиқонаи олимон, муҳаққиқон, мутахассисон, кормандони илмӣ ва истеҳсолӣ ва наслҳои гуногуни кормандони Институт мебошад, ки дар давоми солҳои соҳибистиқлолӣ барои рушди илми байторӣ ва ҳифзи амнияти биологии кишвар саҳми худро гузоштаанд.
Ба ин муносибат, аз номи роҳбарият ва кормандони Институти масоили амнияти биологӣ ва биотехнологияи Академияи илмҳои кишоварзии Тоҷикистон ва шахсан аз номи хеш тамоми мардуми сарбаланди Тоҷикистон, олимону муҳаққиқон, кормандони муассисаҳои илмӣ, устодону омӯзгорон, ҷавонони донишманд ва тамоми кормандони соҳаи илмро ба муносибати 35-солагии Истиқлоли давлатии Ҷумҳурии Тоҷикистон самимона табрик менамоям.
Ба ҳар як сокини Тоҷикистони азиз тансиҳатӣ, саодати рӯзгор, осоиштагӣ, файзу баракат ва комёбиҳои нав орзу менамоям. Ба олимону кормандони соҳаи илм бошад, дар фаъолияти пурмасъулияту созандаашон муваффақиятҳои тоза, кашфиётҳои арзишманд ва дастовардҳои нави илмӣ таманно дорам.
Бигзор Истиқлоли давлатии Ҷумҳурии Тоҷикистон ҳамчун неъмати бузурги миллӣ ҳамеша пояндаву ҷовидон бошад, сулҳу субот дар кишвар устувор бимонад, Ватани маҳбубамон боз ҳам ободу пешрафта гардад ва илми тоҷик дар арсаи байналмилалӣ мавқеи шоистаи худро боз ҳам мустаҳкам намояд.
Истиқлол — ифтихори миллат,
илм — неруи пешрафти давлат,
ва олим — созандаи фардои миллат аст!
Истиқлоли давлатии Ҷумҳурии Тоҷикистон муборак бод!
Абдуллозода Азизулло Одил
доктори илмҳои ветеринарӣ,
директори Институти масоили амнияти биологӣ ва биотехнологияи
Академияи илмҳои кишоварзии Тоҷикистон
