Шурӯъ аз замони соҳибистиқлолӣ бо ташаббус ва талошҳои пайвастаи Ҳукумати Ҷумҳурии Тоҷикистон махсусан Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон соҳаҳои гуногуни иқтисодиёту иҷтимоиёт, маънавиёти ҷомеа…
Шурӯъ аз замони соҳибистиқлолӣ бо ташаббус ва талошҳои пайвастаи Ҳукумати Ҷумҳурии Тоҷикистон махсусан Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон соҳаҳои гуногуни иқтисодиёту иҷтимоиёт, маънавиёти ҷомеа ва сиёсати дохиливу хориҷӣ давра ба давра рушд намуда, ба дастовардҳои назаррасу бузург ноил гардида истодаанд.
Имрӯзҳо Муассисаи давлатии “Рушди соҳибкорӣ дар соҳаи кишоварзӣ” дар доираи лоиҳаи “Баланд бардоштани устувории кишоварзӣ” пайваста тадбирҳои зарурӣ андешида, соли ҷорӣ ҷиҳати рушди соҳаи кишоварзӣ ду адад гармхонаҳои доимоамалкунандаи муосир (дар вилояти Хатлон ва ВМКБ) бо тарҳи наву замонавӣ бунёд гардида истодааст.
Айни ҳол корҳои сохтмонӣ дар гармхонаи доимоамалкунандаи ноҳияи Шуғнони ВМКБ бо маром идома дошта, кормандон пас аз тахту ҳамворкунии замин, панҷарабандии гирду атрофи иншоот, мустаҳкам намудани пояҳои гармхона, насби пояҳо ва дигар корҳои сохтмониро идома
дода истодаанд.
Ҳадаф аз роҳандозии ин таҷриба интихобу мутобиқсозии зироатҳои кишоварзӣ ба иқлими маҳал, ҷорӣ кардани таҷрибаи муосир, истифодаи оқилонаи замин ва таъмини ҳарчи бештари мардум бо маводи ғизоии истеҳсоли худӣ дар тамоми фасли сол, умуман андешидани чораҳо ба хотири таъмини амнияти озуқаворӣ мебошад.
Масоҳати парвариши сабзавот дар гармхонаи муосир 0,32 гектар замин пешбинӣ шуда, ҳосили он дар чор фасли сол пешниҳоди бозор мегардад.
Корҳои сохтмонӣ тибқи талаботи меъёрҳои байналмилалӣ сурат гирифта, мутахассисон кӯшиш менамоянд, ки иншооти ба нақшагирифтаро сари вақт дар муҳлати муайянгардида бо сифати баланд сохта мавриди истифода қарор диҳанд.
