Таъмини амнияти озуқаворӣ ва дастрасӣ ба ғизои солим яке аз ҳадафҳои стратегии Ҳукумати мамлакат ба ҳисоб рафта, дар ин радиф Қонуни Ҷумҳурии Тоҷикистон “Дар бораи таъмин намудани дастрасии аҳолӣ бо маҳсулоти ғизоии ғанигардонидашуда” қабул ва мавриди татбиқ қарор дорад.
Ҳадаф аз амалӣ гардиданаи қонуни мазкур бо роҳи ғанигардонидани маҳсулоти хӯрока, пешгирӣ аз норасогии микронутриентҳо дар ҷисми инсон бемориҳои гуногун, пешгирии фавти модару кӯдак ва афзун намудани дарозумрии инсон мебошад.
Дар робита ба ин, дар миқёси кишвар чорабиниҳои омӯзишӣ давра ба давра амалӣ гардида, қисме аз маводҳои лозима (витамину микронуриент ва йодати каий) аз хориҷ ба кишвар ворид гардидааст.
Ҳафтаи ҷорӣ аз ҷониби намояндаи Муассисаи давлатии “Рушди соҳибкорӣ дар соҳаи кишоварзӣ” дар доираи зерқисмати 3.4 -и лоиҳаи “Баланд бардоштани устувории кишоварзӣ”, дар якҷоягӣ бо Ташкилоти ҷамъиятии “Машварати расонавӣ” ва КДФ "Фонди гардиши ғанигардонии маҳсулоти хӯроквории Ҷумҳурии Тоҷикистон бо шахсони масъули бархе аз шаҳру ноҳияҳои ҷумҳурӣ ва роҳбарони корхонаҳо мулоқотҳои корӣ анҷом дода шуд.
Дар рафти мулоқот ҷонибҳо ҷиҳати амалигардонии “Барномаи пешгирии норасоии микронутриентҳо ва бемориҳои вобаста ба он дар байни аҳолии кишвар барои солҳои 2022 – 2027, амалигардонии Барномаи пешгирии норасоии микронутриентҳо ва бемориҳои вобаста ба он миёни аҳолии кишвар, самарабахшии ғанигардонии ғизо аз нигоҳи соҳаи тиб, ҳолати норасогии ғизо, ки ба бемориҳои камхунӣ, камвазнӣ, қадпастӣ, ҷоғар ва дигар омилҳо ба кӯдакону наврасон, занҳои ҳомила ва пиронсолон оварда мерасонад баррасӣ намуда, мавриди андешаронӣ қарор доданд.
Ҳамчунин тасдиқи нишонаи маҳсулотҳои ғанигардонидашудаи хурокворӣ ягона истеҳсолкунандагонро барои риояи талаботи стандартҳои миллӣ роҳнамоӣ менамояд баррасӣ карда шуд.
Нишона (тамғагузорӣ) ба истеъмолкунанда имкон медиҳад, ки маҳсулоти ғанигардонидашударо ба осонӣ муайян намояд, эътимод ба сифати маҳсулотро баланд бардорад ва фарҳанги интихоби ғизои солимро дар ҷомеа тақвият бахшад.
Ҳадаф аз баргузории чунин мулоқотҳо ва мувофиқа намудани консепсияи “Нишона”-и маҳсулоти хӯроквории ғанигардонидашуда, тартиби истифодаи он ва ҳамоҳангсозии фаъолияти мақомоти давлатӣ, истеҳсолкунандагон ҳамчунин баланд бардоштани сатҳи огоҳии ҷонибҳои манфиатдор оид ба аҳамияти маҳсулоти ғанигардонидашуда ва дастгирии татбиқи Қарори Ҳукумати Ҷумҳурии Тоҷикистон №508 равона карда шудааст.
