Имрӯз дар Кумитаи кор бо занон ва оилаи назди Ҳукумати Ҷумҳурии Тоҷикистон таҳти раёсати Раиси Кумита Файзиддинзода Бунафша бо иштироки намояндаи Дастгоҳи иҷроияи Президенти Ҷумҳурии Тоҷикистон Дарвеш Сафарзода, муовинони раисони шаҳру ноҳияҳои…
Имрӯз дар Кумитаи кор бо занон ва оилаи назди Ҳукумати Ҷумҳурии Тоҷикистон таҳти раёсати Раиси Кумита Файзиддинзода Бунафша бо иштироки намояндаи Дастгоҳи иҷроияи Президенти Ҷумҳурии Тоҷикистон Дарвеш Сафарзода, муовинони раисони шаҳру ноҳияҳои ҷумҳурӣ, сардорони раёсатҳо, мудирони шуъба ва бахшҳои кор бо занон ва оилаи мақомоти иҷроияи ҳокимияти давлатии шаҳри Душанбе, вилоятҳои Суғду Хатлон ва ноҳияҳои тобеи ҷумҳурӣ ба таври ҳузурӣ ва Вилояти Мухтори Кӯҳистони Бадахшон ба таври маҷозӣ Ҷаласаи ҳайати мушовараи Кумитаи кор бо занон ва оилаи назди Ҳукумати Ҷумҳурии Тоҷикистон оид ба ҷамъбасти натиҷаҳои фаъолияти нимсолаи якуми соли 2026 баргузор гардид.
Дар оғоз муовини якуми Раиси Кумитаи кор бо занон ва оилаи назди Ҳукумати Ҷумҳурии Тоҷикистон Набизода Мадина ҳисоботи фаъолияти Кумитаро дар шашмоҳаи якуми соли 2026 ба таври фишурда манзур намуда, сардорони раёсат, мудирони шуъба ва бахшҳои кор бо занон ва оилаи мақомоти иҷроияи ҳокимияти давлатии шаҳру ноҳияҳои ВМКБ, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ ва ноҳияҳои минтақаи Рашт вобаста ба татбиқи сиёсати созандаи Ҳукумати Ҷумҳурии Тоҷикистон, дастуру супоришҳои Роҳбари давлат, амалишавии барномаҳои давлатии самти кор бо занон ва оила дар сатҳи маҳал хисобот доданд.
Пас аз таҳлили фаъолияти сохторҳо Раиси Кумита ва намояндаи Дастгоҳи иҷроияи Президенти Ҷумҳурии Тоҷикистон ҷиҳати боз ҳам ҷоннок намудани корҳои тарғиботию ташвиқотӣ ва фаҳмондадихӣ бо мақсади пешгирии никоҳҳои бармаҳал ва хешутаборӣ, бекоршавии ақди никоҳ, худкушию худсузӣ, ҷиноятсодиркунӣ миёни занон, пешгирии аз таҳсил дур мондани духтарон, хурофотпарастӣ ва бегонапарастӣ ба масьулин дастуру супоришхои мушаххас дода, аз иштирокдорон ҷиҳати тақвияти фаъолияти муштарак бо сохторҳои дахлдори давлатӣ дар маҳал даъват ба амал оварданд.