Вохӯрии гурӯҳи модарони ваҳдатсаро аз корхонаи саноатӣ-истеҳсолии “Кохи Бонувон - Меҳри Модар” дар ноҳияи Дарвози Вилояти Мухтори Кӯҳистони Бадахшон Аз 15 то 19 июн бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон…
Вохӯрии гурӯҳи модарони ваҳдатсаро аз корхонаи саноатӣ-истеҳсолии “Кохи Бонувон - Меҳри Модар” дар ноҳияи Дарвози Вилояти Мухтори Кӯҳистони Бадахшон
Аз 15 то 19 июн бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба Рӯзи Ваҳдати миллӣ, 35- солагии Истиқлолияти давлатӣ Ҷумҳурии Тоҷикистон гурӯҳи тарғиботию ташвиқотӣ таҳти унвони «Навои модарони ваҳдатсаро» ба шаҳру ноҳияҳои Вилояти Мухтори Кӯҳистони Бадахшон, вилоятҳои Хатлон ва Суғд сафар намуд.
Ҳадафи асосии ин сафар тарғиби ғояҳои сулҳ, ҳамдигарфаҳмӣ, ватандӯстӣ ва таҳкими пояҳои маънавии ҷомеа, инчунин шарҳи аҳамияти таърихии Ваҳдати миллӣ барои рушди устувори кишвар мебошад.
Дар ҷараёни вохӯриҳо ба нақши барҷастаи Президенти Ҷумҳурии Тоҷикистон муҳтарам Эмомалӣ Раҳмон дар барқарорсозии сулҳ ва таҳкими ваҳдат дар сарзамини Тоҷикистон таваҷҷуҳи махсус зоҳир мегардад.
Маҳз ба шарофати хиради сиёсӣ, дурандешӣ ва талошҳои пайвастаи ӯ муяссар гардид, ки муқовимати шаҳрвандӣ хотима ёфта, мардум дар атрофи ҳадафҳои умумимиллӣ муттаҳид гардад ва барои рушди мустақилонаи давлат заминаи устувор гузошта шавад.
Имрӯз Ваҳдати миллӣ, ки таҳти роҳбарии Эмомалӣ Раҳмон ба даст омадааст, на танҳо рамзи сулҳу субот, балки муҳимтарин омили татбиқи барномаҳои бузурги давлатӣ, беҳтар гардидани сатҳи зиндагии аҳолӣ ва таҳкими обрӯи байналмилалии Тоҷикистон ба шумор меравад.
Ба ҳайати гурӯҳ занони шинохта, намояндагони зиёиён, аҳли фарҳанг ва фаъолони ҷомеа шомил мебошанд.
Дар вохӯриҳо бо сокинон ба масъалаҳои тарбияи ҷавонон дар рӯҳияи ватандӯстӣ, эҳтиром ба арзишҳои миллӣ, таҳкими анъанаҳои оиладорӣ, инчунин нақши занон дар ҳифзи сулҳ ва ҳамдигарфаҳмии ҷомеа таваҷҷуҳи хос зоҳир мегардад.