11 март дар доираи ҷаласаи 70-уми Комиссияи Созмони Милали Муттаҳид оид ба мақоми занон дар қароргоҳи Созмони Милали Муттаҳид дар Ню-Йорк таҳти унвони «Ҳуқуқи занон барои мудирияти замин ва захираҳои табиӣ» чорабинии канорӣ баргузор гардид. Раиси…
11 март дар доираи ҷаласаи 70-уми Комиссияи Созмони Милали Муттаҳид оид ба мақоми занон дар қароргоҳи Созмони Милали Муттаҳид дар Ню-Йорк таҳти унвони «Ҳуқуқи занон барои мудирияти замин ва захираҳои табиӣ» чорабинии канорӣ баргузор гардид.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода зимни чорабинӣ талошҳои пайвастаи Ҷумҳурии Тоҷикистонро дар самти пешбурди баробарии гендерӣ дар дастрасӣ ба замин ва захираҳои табиӣ таъкид намуда, иброз дошт, ки занон дар таъмини амнияти озуқаворӣ ва устувории ҷомеаҳои деҳот нақши муҳим доранд.
Инчунин Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода баён намуд, ки низоми ҳуқуқии Тоҷикистон, аз ҷумла Конститутсия, Кодекси замин ва Қонуни Ҷумҳурии Тоҷикистон «Дар бораи хоҷагии деҳқонӣ», ҳуқуқҳои баробари занон ва мардонро барои гирифтани қитъаҳои замин, истифода ва ба мерос гирифтани онҳо кафолат медиҳад.
Иштирокчиён чорабинӣ доир ба таҳкими раванди мудирияти марбутаи замин, пешбурди рақамикунонӣ ва тақвияти ҳамкории байналмилалӣ барои пешбурди ҳуқуқҳои дахлдори занон мутобиқи Рӯзномаи 2030 оид барушди устувор табодули назар намуданд.