Барои васоити ахбори умум: Маълумот оид ба натиҷаҳои фаъолияти Кумитаи давлатии идораи замин ва геодезии Ҷумҳурии Тоҷикистон дар нимсолаи якуми соли 2023
Кумитаи давлатии идораи замин ва геодезии Ҷумҳурии Тоҷикистон дар нимсолаи якуми соли 2023 фаъолияти худро дар доираи иҷрои супоришу дастурҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва вазифаҳои дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон муайянгардида ба роҳ монда, як қатор корҳои муайянро ба анҷом расонид.
Дар ин давра дар саросари кишвар мутобиқи санадҳои меъёрии ҳуқуқии амалкунанда корҳои заминсозӣ ва замин-кадастрӣ, назорати давлатии замин, корҳои топографӣ, геодезӣ ва картографӣ, делимитатсия ва демаркатсияи сарҳадҳо, бақайдгирии давлатии молу мулки ғайриманқул анҷом дода шуда, сифати баланди иҷрои онҳо таъмин гардид.
Фаъолият оид ба назорати истифодаи мақсаднок ва оқилонаи замин, заминсозӣ, корҳои картографию геодезӣ, бақайдгирии молу мулки ғайриманқул ва делимитатсияю демаркатсияи сарҳади давлатӣ идома ёфт.
Дар давраи ҳисоботӣ лоиҳаи қарори Ҳукумати Ҷумҳурии Тоҷикистон «Дар бораи ҳисобот оид ба мавҷудияти заминҳо, тақсимоти онҳо аз рӯйи категорияҳо, намудҳо ва истифодабарандагон дар қаламрави ҷумҳурӣ аз 1 январи соли 2023» ба баррасии Ҳукумати Ҷумҳурии Тоҷикистон пешниҳод ва бо қарори Ҳукумати Ҷумҳурии Тоҷикистон аз 1 июни соли 2023, №248 тасдиқ гардид.
Дар нимсолаи якуми соли 2023 аз ҷониби Кумита ва мақомоти он 7803 ҳолати вайронкунии қонунгузории замин ошкор гардида, барои бартараф кардани онҳо 7000 амрнома содир карда шуд.
Ҳамзамон нисбат ба 6548 ҳолат парвандаҳои маъмурӣ тартиб дода шуда, қарорҳои ҷаримабандӣ ба маблағи 3 678 027 сомонӣ қабул гардиданд, ки аз ин миқдор 2 825 067 сомонӣ ба ҳисоби махсуси Кумита ворид гардид.
Ба мақомоти прокуратура 622 мавод барои баҳоии ҳуқуқӣ ва ба Хадамоти иҷро 278 мавод фиристода шуда, дар маҳалҳо 5213 ҳолати вайронкунии қонунгузории замин бартараф карда шуданд.
Кумита санҷишҳо оид ба риояи қонунгузории заминро дар ноҳияҳои Панҷ ва Ёвон анҷом дод. Дар ноҳияи Панҷ 82 ҳолати вайронкунии қонунгузории замин муайян ва 13 амрнома барои бартарафсозии онҳо дода шуд. Нисбат ба 71 ҳолат протоколҳои маъмурӣ тартиб дода шуда, қарорҳо оид ба ҷарима дар ҳаҷми 54 808 сомонӣ қабул ва маблағи мазкур ба ҳисоби Кумита ворид гардид. Дар маҳалҳо 13 ҳолат бартараф карда шуд. 2 ҳолати ишғоли худсаронаи замин ба прокуратураи ноҳия ирсол ва пешниҳод дар бораи бекор кардани 1 қарори раиси ноҳия фиристода шуд.
Дар ноҳияи Ёвон 175 ҳолати вайронкунии қонунгузории замин ошкор ва барои бартараф кардани онҳо 4 амрнома дода шуд. Нисбат ба 171 ҳолат протоколҳои маъмурӣ тартиб дода шуда, қарорҳои ҷаримабандӣ ба маблағи 146 744 сомонӣ қабул гардиданд, ки 141 780 сомонии он ба ҳисоби Кумита ворид шуд. 5 ҳолат дар маҳалҳо бартараф карда шуд.
2 қарори ғайриқонунии раиси ноҳия муайян ва пешниҳод барои бекор кардану мутобиқсозии 1 қарори дигар ирсол гардид.
Кумита корҳои марбут ба иҷрои Фармони Президенти Ҷумҳурии Тоҷикистон аз 30 июни соли 2006, №1775 «Дар бораи чораҳои иловагӣ оид ба таҷдиду ислоҳоти ташкилотҳои кишоварзӣ» ва Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»-ро ба анҷом расонид.
Аз рӯйи маълумотҳо ба ҳолати 1 июли соли 2023 шумораи умумии хоҷагиҳои деҳқонӣ дар ҷумҳурӣ 195 709 ададро ташкил дода, теъдоди саҳмдорон 796 094 нафар ва масоҳати онҳо 5 080 600 гектарро ташкил дод.
Курсҳои такмили ихтисосро 11 хизматчии давлатӣ дар Академияи идораи давлатӣ бо мавзӯъҳои «Асосҳои ҳуқуқии хизмати давлатӣ», «Этикаи муоширати касбӣ», «Ташаккули ҳукумати электронӣ» ва «Хусусиятҳои роҳбарӣ» хатм карданд.
Дар нимсолаи якуми соли 2023 озмуни ишғоли мансабҳои холии хизмати давлатӣ 2 маротиба баргузор шуда, 13 нафар, аз ҷумла 9 нафар ҷавонон ва 1 зан ба вазифаҳо таъин гардиданд.
Дар ин давра 5 вохӯрии гурӯҳҳои кории топографии Тоҷикистону Қирғизистон ва 4 вохӯрии гурӯҳҳои кории Тоҷикистону Узбекистон оид ба демаркатсияи марз баргузор гардид.
Комиссияи литсензионии Кумита 3 литсензия барои фаъолияти геодезӣ ва картографӣ дод.
ҶСК «Тоҷикзаминсоз» ва ГДП «Суғдзаминсоз» корҳои заминсозӣ ва замин-кадастриро ба маблағи 1 594 700 сомонӣ (100%) анҷом доданд. Аз рӯйи шартномаҳо бошад, 1 705 769 сомонӣ (131,5%) иҷро гардид, ки нисбат ба ҳамин давраи соли 2022 зиёдтар мебошад.
Институти «Фазо» корҳои заминсозӣ ва кадастриро ба маблағи 1 196 000 сомонӣ (102,2%) иҷро кард. Даромади корҳои шартномавии онҳо 210 746 сомонӣ мебошад.
Барои корҳои топографӣ ва картографӣ аз буҷет 7 044 000 сомонӣ ҷудо гардида, иҷрои корҳо 6 773 714 сомониро ташкил дод (96,2%).
ГУП «Бақайдгирии молу мулки ғайриманқул» корҳои шартномавиро ба маблағи 63 879 450 сомонӣ анҷом дод (120,3%).
Дар маҷмӯъ, корхонаҳои Кумита дар ин давра корҳои буҷетӣ ва шартномавиро ба маблағи 73 164 435 сомонӣ иҷро кардаанд, ки нисбат ба ҳамин давраи соли 2022 10 842 000 сомонӣ зиёд мебошад (117,4%).