23 октябри соли ҷорӣ дар толори Мақомоти иҷроияи ҳокимияти давлатии шаҳри Истаравшан ҷаласаи муштараки Шӯрои ҷамъиятии Ҷумҳурии Тоҷикистон ва шӯроҳои ҷамъиятии вилояти Суғд, шаҳру ноҳияҳои Истаравшан, Хуҷанд, Исфара, Гулистон, Бӯстон, Истиқлол, Конибодом, Бобоҷон Ғафуров, Деваштич, Зафаробод, Ҷаббор Расулов, Спитамен, Мастчоҳ ва Ашт доир шуд.
Ҷаласаи муштараки Шӯрои ҷамъиятии Ҷумҳурии Тоҷикистонро аъзои Шӯро - Рафиқа Мусоева ифтитоҳ намуд.
Мавзуи меҳварӣ ба 30-юмин солгарди қабули Конститутсияи Ҷумҳурии Тоҷикистон ва Соли маърифатӣ ҳуқуқӣ бахшида шуда, доир ба паҳлуҳои мухталифи ин мавзуъҳо Даврон Зоҳидзода - муовини Раиси вилояти Суғд, Шуҳрат Азиззода - мушовири бахши Ёрдамчии Президенти Ҷумҳурим Тоҷикистон оид ба масъалаҳои рушди иҷтимоӣ ва робита бо ҷомеа, Рафиқа Мусоева - аъзои Шӯрои ҷамъиятии Ҷумҳурии Тоҷикистон, Лутфия Абдулхолиқзода - муовини Вазири маориф ва илми Ҷумҳурии Тоҷикстон, Муҳаммаддовуд Саломиён - ноиби Президенти Академияи миллии илмҳои Тоҷикистон, Исфандиёр Мобирзода - ректори Донишкадаи такмили ихтисоси Вазорати адлияи Ҷумуҳурии Тоҷикистон, Исматулло Шодиён - котиби ҳамоҳангсози Шӯрои ҷамъиятии Ҷумҳурии Тоҷикистон ва Адҳам Маъмурзода - раиси шаҳри Истаравшан баромад карданд.
Зимни муҳокима як қатор намояндагони шаҳру ноҳияҳо ва фаъолони ҷомеаи шаҳрвандӣ суханронӣ карда, фикру мқлоҳизаҳои хешро манзур намуданд.
