Буриева Шаҳноза Бекмуратовна
Муовини директори Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон
Муовини директори Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон
Сардори раёсати экспертизаи забоншиносӣ Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон
Раёсати тарҷума дар сохтори Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон зерсохтори асосӣ ба ҳисоб рафта, тибқи Оиннома фаъолияти рўзмарраи онро тарҷумаи осори арзишманди бадеӣ, фарҳангӣ, таърихӣ, илмӣ, илмӣ-оммавӣ, инчунин, санадҳои меъёрии ҳуқуқӣ, аз ҷумла, санадҳои расмии коргузорӣ ва матнҳои гуногун, маълумоти гуногунҷанба оид ба молу маҳсулот аз забони давлатӣ ба забонҳои хориҷӣ ва баръакс ташкил медиҳад. Фаъолияти пурсамари Марказ ба иҷрои саривақтии супоришҳо аз ҷониби кормандони раёсати мазкур иртибот дорад. Масъулияти сардории раёсатро мутахассиси забони англисӣ Қурбонов Э. ба уҳда дорад. Айни замон дар раёсати тарҷума мутахассисони ботаҷриба ва донандагони забонҳои хориҷӣ, аз қабили англисӣ, русӣ, арабӣ ва чинӣ ба кор ҷалб шудаанд. Дар ҳайати кадрии раёсат 13 нафар кормандон (1 нафар сардори раёсат, 4 нафар сармутахассис, 4 нафар мутахассиси пешбар ва 4 нафар мутахассис) ба нақша гирифта шудааст.
Раёсати экспетизаи забоншиносӣ дар сохтори Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон ниҳоде мебошад, ки ҷиҳати аз таҳриру экспертизаи забоншиносӣ гузаронидани ҳама гуна маълумот, аз ҷумла, осори арзишманди бадеӣ, фарҳангӣ, таърихӣ, илмӣ, илмӣ-оммавӣ, инчунин, санадҳои меъёрии ҳуқуқӣ, аз ҷумла, санадҳои расмии коргузорӣ ва матнҳои гуногун, маълумоти гуногунҷанба оид ба молу маҳсулот вазифадор аст. Ҳайати кадрии раёсати экспертизаи забоншиносиро 10 нафар кормандон (1 нафар сардори раёсат, 4 нафар сармутахассис, 3 нафар мутахассиси пешбар ва 2 нафар мутахассис) ташкил медиҳанд. Масъулияти сардории раёсати экспертизаи забоншиносиро мутахассиси таҷрибадору донишманд Розиқов Ф.Ѓ. ба уҳда дорад.
Бахши молия ва баҳисобгирии муҳосибавӣ фаъолияти молиявии Марказро пеш бурда, ҷиҳати пардохти саривақтии маоши кормандон, харидории таҷҳизоти корӣ, назорати маблаѓҳои буҷетӣ ва ба роҳ мондани муносибатҳои молиявӣ бо Вазорати молияи Ҷумҳурии Тоҷикистон ва дигар сохторҳои дахлдор муваззаф гардидааст. Дар ҳайати кадрии бахши мазкур айни замон 2 нафар кормандони соҳибтахассус – Муҳаммедов С. (мудири бахш) ва Кабиров Н. (мутахассиси пешбар) фаъолият доранд.
Бахши кадрҳо, таъминоти ҳуқуқӣ ва коргузорӣ яке аз бахшҳои муҳимми Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон буда, вазифаи он назорату ба танзим даровардани раванди ҳуҷҷатгузорӣ, ирсолу воридоти ҳуҷҷатҳои гуногун ва мувофиқаву ҷобаҷогузории сиёсати кадрӣ мебошад. Бахши мазкур фаъолияти худро дар асоси Оинномаи Марказ ва дигар санадҳои меъёрию ҳуқуқӣ ба роҳ монда, ҷиҳати ба низоми ягонаи гардиши ҳуҷҷатҳои электронӣ ворид намудани раванди ҳуҷҷатгузорӣ вазифадор гардидааст. Айни замон дар бахши кадрҳо, таъминоти ҳуқуқӣ ва коргузории Марказ ду нафар корманд: Ҳафизов Д.Ш. – мудири бахш ва Набиева М.Р. – мутахассиси бахш фаъолияти пурсамар доранд.