Дар асоси супориши Роҳбари Дастгоҳи иҷроияи Президенти Ҷумҳурии Тоҷикистон аз 30 апрели соли 2025, №18820, 14779, 16048, 15119, 15017, 14815, 15008,14945 ва 15200 (29-4.2) кормандони Кумитаи рушди маҳали назди Президенти Ҷумҳурии Тоҷикистон Рустамзода Хуршед Рустам– сардори шуъбаи таъминоти ҳуқуқӣ ва назорат ва Рустамзода Баҳром – мутахассиси пешбари Раёсати банақшагирӣ ва арзёбии барномаҳои рушди маҳал дар семинари омӯзишӣ дар мавзӯи таҷрибаи Чин оид ба ҷалб ва истифоданамоии сармояи хориҷӣ барои Ҷумҳурии Тоҷикистон, аз 21 май то 10 июни соли 2025 дар шаҳрҳои Фуҷоуи музофоти Футсзяни Ҷумҳурии Мардумии Чин иштирок карданд.
Аз натиҷаи сафар ва семинари омӯзишӣ Рустамзода Хуршед Рустам– сардори шуъбаи таъминоти ҳуқуқӣ ва назорат дар назди кормандон маърӯза намуд.
Мавсуф аз ҷумла зикри он дошт, ки семинар аз ҷониби намояндагони расмии Маркази ҳамкориҳои иқтисодии байналмилалии музофоти Футсзияни Ҷумҳурии Мардумии Чин оғоз гардида, оид ба таърих, фарҳанг ва сиёсати Ҷумҳурии Мардумии Чин маълумот дар шакли рунамо пешниҳод гардид.
Тибқи барнома дар доираи семинари мазкур роҳҳои баландбардоштани иқтидор ҷиҳати пешбурди сармоягузорӣ барои кишварҳои ҳавзаи «Як камарбанд, як роҳ», таҷрибаи Ҷумҳурии Мардумии Чин оид ба ҷалб ва истифоданамоии сармояи хориҷӣ ва масъалаҳои густариши ҳамкориҳои тиҷоратию иқтисодӣ аз ҷониби профессорон ва мутахассисони соҳибтаҷриба аз донишгоҳҳои музофоти Футсзияни Ҷумҳурии Мардумии Чин дар шакли маъруза ва рунамоҳо дар мавзӯъҳои зерин баргузор гардиданд, аз ҷумла:
Ҷумҳурии Мардумии Чин стратегияи ҳамаҷониба ва дарозмуддатро барои ҷалби сармояи хориҷӣ амалӣ менамояд, ки ба рушди устувори иқтисодӣ, саноатӣ ва технологӣ равона шудааст. Инчунин, механизмҳои дастгирии сармоягузорӣ дар баробари имтиёзҳои андозу молиявӣ, таъсиси минтақаҳои махсуси иқтисодӣ ва муҳити мусоиди ҳуқуқию маъмурӣ дар Ҷумҳурии Мардумии Чин амалӣ мекунанд.
