Аёдати модарон, шод намудани қалби онҳо ва гирифтани дуои пиронсолон барои корҳои нек ҳамчун амали хайр ҳисобида мешавад, ки пайваста Пешвои миллат, Президенти мамлакат муҳтарам Эмомалӣ Раҳмон ба он таъкид менамояд. Бо ҳамин мақсад, раиси ноҳия муҳтарам Холзода Каромиддин Камолиддин ва муовинони раиси ноҳия дар доираи Нақшаи чорабиниҳои мақомоти иҷроияи ҳокимияти давлатии ноҳияи Лахш, бахшида ба фаро расидани Рӯзи Модар, пиронсолони синнашон аз 90 сола боло аёдат намуданд.
Зимни аёдат, раиси ноҳия ва муовинонаш ба модари меҳрубон ва дилсӯзи, ки тамоми умрашро ба пешрафти ноҳия бахшидааст, ҳамчун рамзи эҳтиром ва қадрдонӣ тӯҳфаҳо тақдим намуданд.
