Кормандони Агентии хоҷагии ҷангали назди Ҳукумати Ҷумҳурии Тоҷикистон дар Конфронси сатҳи баланд ва семинари байналмилалӣ оид ба ҳамкории Чин – Осиёи Марказӣ дар самти мубориза бар зидди биёбоншавӣ, ки дар шаҳри Инчуан, Вилояти мухтори Нинся-Ҳуэй, Ҷумҳурии Мардумии Чин баргузор гардид, фаъолона иштирок намуданд.Дар доираи чорабинӣ масъалаҳои муҳими мубориза бо биёбоншавӣ, таназзули заминҳо, коҳиши таъсири тағйирёбии иқлим ва татбиқи технологияҳои муосири барқарорсозии экосистемаҳои табиӣ баррасӣ шуданд.Иштирокчиён аз кишварҳои Осиёи Марказӣ ва Ҷумҳурии Мардумии Чин таҷрибаи пешқадамро мубодила намуда, имкониятҳои густариши ҳамкориро дар самти рушди устувори захираҳои табиӣ муҳокима карданд.Намояндагони Агентии хоҷагии ҷангал дар ҷараёни конфронс бо дастовардҳо ва таҷрибаи Ҷумҳурии Тоҷикистон дар самти идоракунии ҷангал, барқарорсозии минтақаҳои осебдида ва пешгирии таназзули замин шинос шуданд.Дар ҷараёни конфронс инчунин ҳамкории дуҷониба байни Маркази ҳамкории Чин – Осиёи Марказӣ оид ба мубориза бо биёбоншавӣ ва Агентии хоҷагии ҷангали назди Ҳукумати Ҷумҳурии Тоҷикистон расман эълон гардид.Ин чорабинӣ ба таҳкими ҳамкориҳои минтақавӣ, баланд бардоштани иқтидори кишварҳо дар мубориза бо биёбоншавӣ ва рушди минбаъдаи шарикии стратегӣ миёни Чин ва кишварҳои Осиёи Марказӣ мусоидат намуд.
