6 январи соли 2025 Дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҷаласаи гурӯҳи кории байниидоравӣ оид ба гузаронидани пурсиши комплексии сотсиологӣ оид ба дарки коррупсия аз ҷониби ҷамъият бо иштироки шахсони мансабдори вазорату идораҳои дахлдори кишвар, инчунин намояндагони ҷомеаи шаҳрвандӣ баргузор гардид.
Чорабинӣ аз ҷониби Муовини аввали директори Агентӣ Расул Барат кушода шуд Ва таъкид гардид, ки яке аз роҳҳои асосии арзебии сатҳи коррупсия дар соҳаҳои алоҳида гузаронидани пурсиши комплексии сотсиологӣ мебошад. Зеро муайян кардани ҳолати воқеии мавҷудияти коррупсия дар ин е он соҳа имкон медиҳад, ки роҳҳои нав ва самараноки муқовимат ба коррупсия таҳия ва ҷорӣ карда шаванд.
Бо ин мақсад, лоиҳаи Методика ва саволномаи пурсиши комплексии сотсиологии дарки коррупсия аз ҷониби ҷомеа ба муҳокимаи гурӯҳи Корӣ пешниҳод карда шуд, ки дар ҷараени он коршиносон андешаҳои худро дар бораи он изҳор карданд.